Ishki ister ministri Erlan Turǵymbaev «Joldaǵy qabyldaý» respýblikalyq aktsiiasyn uzartýdy tapsyrdy. Aktsiianyń alǵashqy eki kúni ishinde 8,5 myń adam keńes aldy, dep habarlaidy Qazaqstan Respýblikasy IIM baspasóz qyzmeti.
Tájiribe kórsetkendei, júgingen árbir besinshi adam armian nómiri bar avtokólik quralyn tirkeý tártibine qyzyǵýshylyq tanytty. Onyń ishinde 840-tan astam adam kólik quraldaryn rásimdeý boiynsha keńes aldy. Qazir bul eń ózekti másele bolǵandyqtan, kóptegen tilek bildirýshilerdiń barlyq suraqtaryna múmkindiginshe jaýap ala alatyndai etip, azamattarǵa jaǵdai týǵyzyp, aktsiiany jalǵastyrý týraly sheshim qabyldandy.
Áleýmettik jelilerde ishki ister organdary bólinisteriniń resmi akkaýnttarynda jarty myńnan astam tikelei efir ótkizildi. Politsiia qyzmetkerleri 3,7 myń suraqqa jaýap berdi. Sondai-aq, azamattar «shuǵyl jeli» telefondaryna habarlasyp, 450 keńes aldy.
Nátijesinde «Joldaǵy qabyldaý» aktsiiasynyń 2 kúninde Armeniia Respýblikasynan ákelingen 900-den astam avtokólik tirkelgen.
Sonymen qatar, turǵyndardy ákimshilik aiyppul tóleý, júrgizýshi kýáligin berý jáne basqa da máseleler qyzyqtyrdy.
