QR Indýstriia jáne infraqurylymdyq damý ministrliginiń Kólik komiteti poiyzdarǵa reidtik tekserý júrgizdi, dep habarlaidy QazAqparat.
«Biyl aýmaqtyq kóliktik baqylaý organdary 534 jolaýshy poiyzyn tekserip, biletsiz jolaýshylar, rásimdelmegen júk, tasymal tártipterin buzý faktilerin anyqtady. Biletsiz jolaýshy tasý men talaptardyń buzylǵany úshin jalpy 13 mln teńge aiyppul salyndy», - dedi QR IIDM Kólik komiteti tóraǵasynyń orynbasary Jánibek Taijanov ministrlikte ótken baspasóz máslihatynda.
Odan bólek, Komitet 30 shilde men 7 tamyz aralyǵynda bilet alypsatarlaryn anyqtaý naýqanyn júrgizgen.
«Aktsiia aiasynda 148 zańbuzýshylyq anyqtaldy, onyń jeteýi - jol júrý biletin alyp satqandar, 141 - poiyzǵa biletsiz mingender. Olarǵa 843 myń teńge aiyppul salyndy», - dedi J. Taijanov.
