Senatta temirjol kóligi máseleleri jónindegi zań jobasy qaraldy, dep habarlaidy QazAqparat tilshisi.
«Zań jobasy negizgi úsh máseleni sheshýdi kózdeidi. Birinshi – jolaýshylar tasymalyn sýbsidiialaýdy ońtailandyrý jáne ashyqtyq berý, ekinshisi – júkterdiń jasyryn tranzitin aldyn alý, úshinshisi - tutynýshylardyń quqyqtaryn qorǵaýdy esepke ala otyryp, kirme joldar qyzmetterin retteý», - dedi Indýstriia jáne infraqurylymdyq damý ministri Beibit Atamqulov.
Ministrdiń aitýynsha, qazirgi tańda jolaýshylar tasymaly memleket biýdjetinen sýbsidiialanady. Bul baǵytta jylyna biýdjetten 30 mlrd teńge bólinedi.
«Shyǵystyń basqa bir bóligin «Qazaqstan temir joly» júk tasymaly kiristeri esebinen jabylady. Bul ishki «kross sýbsidiialaý» dep atalady. Atalǵan shemada aqsha aǵyndaryn taratýdyń bir ortaǵa baǵyttalýy jáne ashyqtyǵy joq. Júieniń ashyqtyǵyn qamtamasyz etý úshin kelesi túzetýler usynylady. Birinshiden, jolaýshylar qozǵalysynda lokomotivtik tartymnyń jeke operatoryn qurý josparlanady. Ekinshiden, biýdjetten qosymsha qarajatty qarastyrmai, kross sýbsidiialaýdan bas tartý úshin jolaýshylar tasymaldaýshylaryn qoldaýǵa júk tasymaldaýshynyń teńgerimdeýshi tólemi engiziledi. Bul jolaýshylar tasymalynyń naqty shyǵyndaryn kórýge múmkindik beredi», - dedi ol.
Beibit Atamqulov bul rette atalmysh norma jańa mehanizmdi naqty pysyqtaý úshin tek bir jylǵa ǵana iske asyrylatynyn atap ótti.
«Ózgeristerdiń nátijesinde memlekettik sýbsidiialardy taratýdyń aiqyndylyǵy artady. Osylaisha, jolaýshylar tasymalyn sýbsidiialaý mehanizmin biryńǵai standartqa alyp kelemiz», - dedi ol.
