سەناتتا تەمٸرجول كٶلٸگٸ مەسەلەلەرٸ جٶنٸندەگٸ زاڭ جوباسى قارالدى, دەپ حابارلايدى قازاقپارات تٸلشٸسٸ.
«زاڭ جوباسى نەگٸزگٸ ٷش مەسەلەنٸ شەشۋدٸ كٶزدەيدٸ. بٸرٸنشٸ – جولاۋشىلار تاسىمالىن سۋبسيدييالاۋدى وڭتايلاندىرۋ جەنە اشىقتىق بەرۋ, ەكٸنشٸسٸ – جٷكتەردٸڭ جاسىرىن ترانزيتٸن الدىن الۋ, ٷشٸنشٸسٸ - تۇتىنۋشىلاردىڭ قۇقىقتارىن قورعاۋدى ەسەپكە الا وتىرىپ, كٸرمە جولدار قىزمەتتەرٸن رەتتەۋ», - دەدٸ يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ.
مينيستردٸڭ ايتۋىنشا, قازٸرگٸ تاڭدا جولاۋشىلار تاسىمالى مەملەكەت بيۋدجەتٸنەن سۋبسيدييالانادى. بۇل باعىتتا جىلىنا بيۋدجەتتەن 30 ملرد تەڭگە بٶلٸنەدٸ.
«شىعىستىڭ باسقا بٸر بٶلٸگٸن «قازاقستان تەمٸر جولى» جٷك تاسىمالى كٸرٸستەرٸ ەسەبٸنەن جابىلادى. بۇل ٸشكٸ «كروسس سۋبسيدييالاۋ» دەپ اتالادى. اتالعان سحەمادا اقشا اعىندارىن تاراتۋدىڭ بٸر ورتاعا باعىتتالۋى جەنە اشىقتىعى جوق. جٷيەنٸڭ اشىقتىعىن قامتاماسىز ەتۋ ٷشٸن كەلەسٸ تٷزەتۋلەر ۇسىنىلادى. بٸرٸنشٸدەن, جولاۋشىلار قوزعالىسىندا لوكوموتيۆتٸك تارتىمنىڭ جەكە وپەراتورىن قۇرۋ جوسپارلانادى. ەكٸنشٸدەن, بيۋدجەتتەن قوسىمشا قاراجاتتى قاراستىرماي, كروسس سۋبسيدييالاۋدان باس تارتۋ ٷشٸن جولاۋشىلار تاسىمالداۋشىلارىن قولداۋعا جٷك تاسىمالداۋشىنىڭ تەڭگەرٸمدەۋشٸ تٶلەمٸ ەنگٸزٸلەدٸ. بۇل جولاۋشىلار تاسىمالىنىڭ ناقتى شىعىندارىن كٶرۋگە مٷمكٸندٸك بەرەدٸ», - دەدٸ ول.
بەيبٸت اتامقۇلوۆ بۇل رەتتە اتالمىش نورما جاڭا مەحانيزمدٸ ناقتى پىسىقتاۋ ٷشٸن تەك بٸر جىلعا عانا ٸسكە اسىرىلاتىنىن اتاپ ٶتتٸ.
«ٶزگەرٸستەردٸڭ نەتيجەسٸندە مەملەكەتتٸك سۋبسيدييالاردى تاراتۋدىڭ ايقىندىلىعى ارتادى. وسىلايشا, جولاۋشىلار تاسىمالىن سۋبسيدييالاۋ مەحانيزمٸن بٸرىڭعاي ستاندارتقا الىپ كەلەمٸز», - دەدٸ ول.
