Qazaqstan temir jolyndaǵy jolaýshylar tasymaldaý kesheni men magistraldyq infraqurylymy jazǵy tasymaldaý maýsymyna ázirlikterin aiaqtap qaldy.
Qazirgi tańda «Jolaýshylar tasymaly» AQ 2192 vagondy quraityn jyljymaly quram múkkámmál múlik parkin ázirleýde. Onda senimdi aýa baptaǵyshtar ornatylady. Sýmen qamtý júieleri retke keltiriledi. Vagondarǵa tiisti estetikalyq árleý jumystary jasalady.
Jolaýshylardyń suranysyna orai, 2018 jylǵy maýsym - tamyz ailarynda Almaty-Semei, Almaty-Qostanai, Astana-Dostyq qosymsha poiyz baǵdarlary jolǵa shyǵady.
Jazǵy tasymaldaý maýsymy kezinde poiyz brigadalarymen etika, sóileý máneri, aǵylshyn tilin meńgerý arnaiy nusqamalyq sabaqtary turaqty ótkiziledi.
«Tulpar-Talgo» júrdek poiyzyna aldyn- ala bilet satyp alýshylarǵa 35 paiyzdyq deńgeide jeńildik qarastyrylǵan.
Múmkindigi shekteýli jandardyń poiyzda jaily júrip-turýy úshin tiisti sharalar qabyldanýda. 22 baǵdardaǵy 37 jolaýshylardyń jyljymaly quramyna múmkindigi shekteýli jandardyń kedergisiz minýine jaǵdai jasaldy.
Jolaýshylardyń qoǵamdyq qaýipsizdigin saqtaý sharalary qolǵa alynǵan. Kóliktegi quqyq qorǵaý oryndarymen birlesip «Qaýipsiz poiyz», «Qaýipsiz vokzal» reidterin júrgizip otyrady. «Jolaýshylar quqyǵy» jobasy aiasynda jolaýshylardyń quqyǵy men múddesine nuqsan kelgen jaǵdaida shuǵyl sharalar jasaý kózdeledi.
Balalardyń jazǵy kanikýly kezinde temirjoldar men nysandary mańynda júrý tártibine erekshe nazar aýdarylady. Qazirgi kezde mektepterde túsindirý jumystary belsendilikpen júrgizilýde.
«Jolaýshylar tasymaly» AQ 107 baǵdarǵa qyzmet kórsetetin bolsa, onyń 10-y halyqaralyq baǵdarlar. 15 poiyz «Tulpar-Talgo» vagondarynan jasaqtalǵan. Onyń 59-y qalamańy baǵdaryna qatynaidy. Kompaniia jylma-jyl 18 million jolaýshylardy tasymaldaidy. Bul kórsetkish jylma-jyl artyp keledi. 2018 jyly jazǵy maýsymda bes million jolaýshylardy tasymaldaý josparlanyp otyr.
Azamattardyń ótinishterin jedel qaraý úshin temirjol kóliginde jolaýshylarǵa 1433 nómiri aptanyń barlyq kúnderi táýlik boiy biryńǵai kontakt (qosylý) ortalyǵy jumys jasaidy.
