Jolaýshylar tasymaly» AQ Bas direktory Mihael Kortiým men «Tulpar-Talgo» JShS óndiris jónindegi direktory Ramazan Tileýlenov elordadaǵy Nur-Sultan-1 stantsiiasynda jańa vagondardy tanystyrdy, dep habarlaidy QazAqparat.
Vagondar reseilik Tver vagon zaýyty (TVZ) tehnologiiasy boiynsha «Tulpar-Talgo» zaýytynda shyǵarylǵan.
Aita keterligi, biyl otandyq temir jol parkine TVZ tehnologiiasy boiynsha 63 jańa vagon qosylyp otyr. Onyń 25-i osydan úsh ai buryn iske qosylyp, shilde aiynan beri «Almaty-Mańǵystaý» baǵyty boiynsha qatynaityn poiyzdardyń qataryn tolyqtyrǵan. Ekinshi partiia 15 vagon qyrkúiek aiynda paidalanýǵa berilse, sońǵy 23 vagon búgin qoldanysqa engizilip otyr.
Jańa platskart vagondar 54 orynǵa eseptelgen. Qyzmet etý ýaqyty – 40 jyl. Joldaǵy maksimaldy jyldamdyǵy – 160 shaqyrym/saǵat.
«Atalǵan vagondardy «Jolaýshylar tasymaly» AQ suranysy boiynsha 2019 jyldan bastap iske qosyp kelemiz. Ózińiz kórip otyrǵandai, qazirgi qoldanystaǵy vagondardan ereksheligi bar. Uzyndyǵy - 25 metr. Burynǵy «Talgo» poiyzdaryna qaraǵanda keńirek», - dedi Ramazan Tileýlenov.
Onyń aitýynsha, vagon ishinde konditsioner men órtke qarsy júie, eki biotýalet, videobaqylaý júieleri ornatylǵan. Ár vagonda 6 videokamera ornatylǵan. Ol beineni túrli-tústi jáne aq-qara rejimde túsiredi. Barlyq taspa shtabtyq vagondaǵy poiyz basshysynyń qadaǵalaýynda bolady. Ár kýpe men ortaq dáliz eki 220 V qýat beretin rozetka jáne uialy telefondy qýattandyrýǵa arnalǵan eki USB-portpen qamtylǵan. Ár vagonda jolserikke arnalǵan tońazytqysh pen mikrotolqyndy pesh, aýyz sý dispanseri men ystyq sý toly titan ornatylǵan. Sonymen birge, bailanys, diagnostika jáne basqarý júieleri qarastyrylǵan. Ájethanalar ekologiialyq taza blok qondyrǵylarymen tolyqqan.
«Jańa vagondardyń alǵashqy partiiasy Almaty men Mańǵystaý aralyǵyna júre bastasa, sońǵy 23-niń Nur-Sultandaǵy, Atyraý men Mańǵyshlaq stantsiialarǵa qatynaidy. Kelesi jyly taǵy 146 vagon shyǵarylady. Ázirge ol vagondardyń qaida qatynaitynyn men aita almaimyn. Kelisimshartqa áli qol qoiǵan joqpyz», - dedi Ramazan Tileýlenov.
