28 tamyzdan bastap jolaýshylar poiyzynda shylym tegýge tyiym salynady, dep habarlaidy QazAqparat.
Bul týraly «Jolaýshylar tasymaly» AQ atqarýshy direktory Edige Myhanov «Qazaqstan temir joly» AQ bas ǵimaratynda ótken baspasóz máslihatynda aitty.
«2019 jyldyń 28 tamyzynda QR Indýstriia jáne infraqurylymdyq damý ministrliginiń Jolaýshylar tasymaly, qol júkteri men poshta jóneltimderi erejelerine engizilgen ózgerister óz kúshine enedi. Jańa erejege sáikes, jolaýshylar poiyzynda shylym shegýge tyiym salynady. Buǵan deiin tambýrda shylym shegýge ruqsat beriletin. Kóptegen aryz-shaǵymnan keiin jalpy poiyzda temeki tartý toqtatylady», - dedi ol.
Onyń aitýynsha, shylym shekkisi kelgen jolaýshylar vokzal perronyndaǵy arnaiy oryndarǵa barýy tiis.
«Kei jolaýshylar jolserikpen kelisip, zań buzýy múmkin degen pikirler aitylýda. Temekiniń iisin kez kelgen jolaýshy 1433 bailanys nómirine habarlasyp, shaǵym qaldyra alady. Onyń ústine, Talgo poiyzdary germetikalyq materialdan jasalǵan, temekiniń iisi barlyq kýpege taralýy múmkin. Jolaýshylardyń keri bailanysy arqyly zańbuzýshylyqtarmen kúresemiz», - dedi atqarýshy direktor.
Kompaniia ókilderiniń aitýynsha, poiyz ishinde shylym shegý faktisi anyqtalǵan jaǵdai akt toltyrylyp, jelilik ishki ister bóliminiń qyzmetkerleri shaqyrylady. Hattama toltyrylyp, QR Ákimshilik quqyqbuzýshylyq kodeksiniń 571-baby «Tasymal erejesin buzý» boiynsha 5 AEK kóleminde aiyppul salynady.
