Aqmola oblysynyń «qyzyl aimaqtan» shyǵýyna bailanysty jolaýshylar tasymalyn jandandyrý máselesi qaralyp jatyr. Bul týraly Aqmola oblystyq jolaýshylar kóligi jáne avtomobil joldary basqarmasy basshysynyń orynbasary Aleksandr Rýblevskii aitty, dep habarlaidy "Ult aqparat".
«Aqmola oblysynyń «qyzyl aimaqtan» shyǵýyna bailanysty sanitarlyq postar alynyp, karantin jeńildese, Kókshetaý jáne Stepnogor baǵytyndaǵy avtobýs qozǵalysy qaita jandanady. Budan bólek, Azamattyq aviatsiia komiteti jeltoqsannyń 8-nen bastap «Kókshetaý – Almaty, Kókshetaý – Aqtaý» baǵytyndaǵy áýe reisterin jandandyrýdy sheshken bolatyn. Degenmen, jolaýshylardyń bolmaýynan Almatyǵa alǵashqy reis keiinge qaldyryldy. Endigi ýaqytta suranys bolyp jatsa ǵana júzege asyrylady», – dedi óńirlik kommýnikatsiialar qyzmetinde ótken brifingte Aleksandr Rýblevskii.
Aita ketsek, qarashanyń 5-inen bastap «Kókshetaý – Almaty», «Kókshetaý – Aqtaý» baǵytyndaǵy áýe reisteri, al aidyń sońynda oblysta qaýipti indettiń taralýyna bailanysty engizilgen karantinge sáikes Kókshetaý jáne Stepnogor baǵytyndaǵy avtobýs qozǵalysy toqtatylǵan edi.
Al, jolaýshylar poiyzynyń qozǵalysy buryn bekitilgen kestege sai, iaǵni Kókshetaý – Qyzylorda – Petropavl – Almaty poiyzy qarashanyń 12-nen bastap eki kúnde bir júrip jatyr.
Munda jolaýshylardy otyrǵyzyp-túsirý 1,2 jáne 3 klasty vokzaldar ornalasqan stanitsiialarda ǵana júzege asyrylady.
