Tótenshe jaǵdai jariialanýyna bailanysty «Qazaqstan temir joly» ulttyq kompaniiasy jolaýshylar biletiniń aqshasyn tolyq kólemde qaitarý týraly sheshim qabyldady, dep habarlaidy "Ult aqparat".
«Elimizdegi tótenshe jaǵdaiǵa bailanysty búgin kassalarda bilet qunyn qaitarý boiynsha júkteme airyqsha joǵary boldy. Qaitarylǵan biletterdiń aqshasy tólyq kólemde, eshqandai aiyppul ustalmai beriledi. Barlyq kassa táýlik boiy kúsheitilgen rejimde jumys isteýde», - deidi «Jolaýshylar tasymaly» AQ Marketing jáne satý departamentiniń direktory Almas Aitbaev.
Onyń aitýynsha, qoǵamdyq orynda adamdar kóp jinalyp qalmas úshin jolaýshylar túsinistik tanytyp, bilet aqshasyn qaitaryp alýǵa keiinirek – 6 ai ishinde kelýine bolady.
«Kezekte turǵan adamdar óte kóp bolǵandyqtan, keibir kassalarda ǵana qajetti kólemde qolma qol aqsha tapshylyǵy boldy. Al jalpy alǵanda kassalar qarajatpen tolyq qamtamasyz etilgen. Koronavirýstyń taralý qaýpin azaitý maqsatynda qaitarylǵan bilettiń aqshasyn alty ai kólemi ishinde ózińizge yńǵaily kez kelgen ýaqytta kelip alýdy usynamyz», - deidi ol.
