Qostanai oblystyq soty Talgo poiyzynyń eki jolserigine qatysty úkim shyǵardy, dep habarlaidy Sputnik Qazaqstan.
Jolserikter Jetes Úmbetaliev pen Qolqanat Qurmaniiazov Qylmystyq kodekstiń 120-baby 1-bóliginiń 1-tarmaǵy (zorlaý) boiynsha kináli dep tanyldy. Olar 2 jyl 6 aiǵa jylǵa bas bostandyǵynan aiyryldy.
Sot úkimi zańdy kúshine engen joq. Jolserikterdiń isine qatysty sot sheshimimen "NeMolchiKZ" qoǵamdyq qozǵalysynyń jetekshisi Dina Tańsári (Smaiylova) óziniń áleýmettik jelidegi paraqshasynda bólisti.
Quqyq qorǵaýshy Dina Smaiylovanyń aitýynsha, sot atalǵan oqiǵany toppen jasalǵan zorlaý áreketi dep tanyǵan joq. Al bir sottalǵannyń úiqamaqtaǵy merzimin eskere otyryp, bas bostandyǵynan aiyrý jazasyn úsh aiǵa shegerdi.
"Sot árbireýine 2,6 jyldan berdi. Al úiqamaqta otyrǵannyń jazasyn úsh aiǵa shegerip tastady. Negizi, sot eń tómengi jazany taǵaiyndady. Ondai jaza tek óz kinásin moiyndaǵan adamdarǵa ǵana beriledi. Al olar kinásin moiyndamaq túgil keshirim suraǵan da joq. Endi, jalǵan aqparat taratyp jatyr. Biz osy máseleni ary qarai kóteretin bolamyz", - dedi Smaiylova.
