Foto: ©️ Tengrinews.kz / Álihan Sariev
Almaty ákimi Erbolat Dosaev qalada jol jiekteri nelikten jyl saiyn aýystyrylatynyn túsindirdi, - dep habarlaidy Tengrinews.kz.
Bul másele Erbolat Dosaevtyń Bostandyq aýdanynyń turǵyndarymen kezdesýinde aityldy.
"Olar jol jiekterin aýystyrýdy qashan qoiady? Qalada jyl saiyn jol jiekteri men asfalt aýystyrylady, olarǵa qalypty tárizdi. Orbitada ǵana emes, kóp aýlalar men kóshelerde asfalt múlde joq. Buǵan ne aitasyz?" - dep surady jergilikti turǵyn.
Dosaevtyń sózinshe, jol jiekterin alyp olardy túzetip, retke keltirip, sodan keiin qaita qoiady.
"Almaty joldarynda jol jiekteriniń eki túri ǵana bar. Bul tsement-qumdy prestep, keiin ornatady. Qysta joldardy himikattarmen óńdeitinimizdi, sondai-aq tazalaý jumystaryn júrgizetinimizdi eskersek, olardyń qyzmet etý merzimi 5 jyldan aspaidy. Ekinshi túri 10 jyldan 15 jylǵa deiin qyzmet etetin granit. Ál-Farabi dańǵylynyń boiynda bordiýrlerdiń 20-25 paiyzyna deiin aýystyramyz dep josparlaǵanbyz, biraq úsh paiyzyn ǵana aýystyrdyq", - dedi Almaty ákimi.
Dosaevtyń aitýynsha, jol jiekteri qaýipsizdiktiń qajetti elementteriniń biri jáne sapasy jaqsy bolýy kerek.
"Qala turǵyndaryna alǵys aitamyn, men jol jiekteri máselesin óz baqylaýymda ustaimyn. Ótken aptada men ortasha jol jóndeý jumystarymen ainalysatyn barlyq kompaniialardy jinadym. Biz barlyq qordalanǵan máselelerdi talqyladyq jáne men olarǵa taǵy da eskerttim. Biz olardyń qalai jumys isteitinin qadaǵalap jatyrmyz. Osylaisha, jol jiekteriniń 3-5 paiyzynan aspaityny aýystyrylady, qalǵandary túzetilip, ornyna qoiylady", - dedi Dosaev.
