Aqmola oblysynda jol apatynan mert bolǵan politsiia qyzmetkerleriniń árqaisynyń otbasyna 11 million teńge kóleminde kómek beriledi, dep habarlaidy "Ult aqparat" oblystyq politsiia departamentiniń baspasóz qyzmetine silteme jasap.
Qazirgi kezde eki politsiia qyzmetkeriniń ólimine ákep soqtyrǵan jol apatyna bailanysty qylmystyq is qozǵalyp, sotqa deiingi tergeý amaldary júrgizilip jatyr.
Atalmysh sanktsiia boiynsha kúdikti 10 jylǵa deiin bas bostandyǵynan aiyrylýy múmkin.
«Sondai-aq oblystyq politsiia departamenti qyzmettik mindetin oryndaý barysynda qaza bolǵan politseilerdiń otbasyna 11 million teńge kóleminde materialdyq kómek kórsetedi», - dedi oblystyq PD baspasóz qyzmetiniń jetekshisi Gúlnár Pinchýk.
Eske sala keteiik, keshe, 15 qazanda Shýche qalasynda eki politsei jol apatynan qaza tapty. Lexus NX20 mashinasy qyzmet babynda júrgen ýchaskelik politseilerdiń Lada-21214 kóligin úlken jyldamdyqpen kelip soqqan.
Ishki ister ministri Erlan Turǵymbaev mert bolǵan politseilerdiń otbasyna kóńil aitty.
