Qashyqtan oqytý formatyna kóshýge barlyq ýniversitettiń qaýqary tolyǵymen jetkilikti. Bul týraly Ortalyq kommýnikatsiialar qyzmeti alańynda ótken koronavirýstyq infektsiia boiynsha aǵymdaǵy jaǵdaiǵa arnalǵan baspasóz konferentsiiasynda aityldy, dep habarlaidy "Ult aqparat".
«Qashyqtan oqytý formatyna kóshýge barlyq ýniversitettiń qaýqary tolyǵymen jetkilikti. Jalpy bizdiń elimizdegi ýniversitetter úlken qalalarda ornalasqan, sondyqtan barlyq jerde tehnikalyq jáne internet jyldamdyǵy jaǵynan múmkindik bar», - deidi QR Bilim jáne ǵylym ministri Ashat Aimaǵambetov.
Ol orta bilim berý mekemelerine de toqtalyp ótti.
«68 mektepte múldem internet joq. Bul másele boiynsha tiisti jumys júrgizip jatyrmyz, biraq kolledjder men JOO-larda qashyqtan oqýǵa tolyq múmkindik bar. Biz 1,5-2 ai buryn osy boiynsha jumysty bastap ketken bolatynbyz. Testiden ótkizip, qashyqtan jumys jasai alatyndaryn anyqtadyq», - deidi ol.
