Joǵary oqý oryndarynda aqyly túrde bilim alýdyń baǵasyn retteitin normany alyp tastaý usynylyp otyr. Bul jańashyldyq joǵary oqý oryndarynyń akademiialyq jáne basqarý derbestigin keńeitý máseleleri jónindegi zań jobasynda qarastyrylǵan, dep habarlaidy Sputnik Qazaqstan tilshisi.
Bilim jáne ǵylym ministri Erlan Saǵadievtiń aitýynsha, jańa zań jobasynda joǵary bilimniń baǵasy granttan arzan nemese qymbat bolmaýy kerek degen normany alyp tastaý usynylyp otyr.
"Biz osy normany alyp tastaýdy josparlap otyrmyz. Joǵary oqý oryndary ózderi qajet dep tapqan aqyny bekitetin bolady jáne tiisti esebin usynady", — dedi ministr.
Onyń aitýynsha, bul memleket bóletin granttarǵa áser etpeidi.
"Biz grant bólemiz ǵoi, baǵasy ózgermeidi. Kóp adam bizdiń bilimdi tym arzan dep esepteidi. Joǵary oqý oryndarynda bilim alý tym qymbat dep oilaityndar da az emes. Sondyqtan joǵary oqý oryndaryna aqyly bólimderdegi oqý qunyn ózderiniń sheshýine múmkindik berý durys dep sanaimyz. Óitkeni kóp adam báribir ulttyq joǵary oqý oryndaryna grantqa túsedi", — dedi Saǵadiev.
Joǵary oqý oryndarynyń akademiialyq jáne basqarý derbestigin keńeitý máseleleri jónindegi zań jobasyn búgin májilis depýtattary birinshi oqylymda maquldady. Qujatta eńbek kodeksi men úsh zańǵa ózgerister men tolyqtyrýlar engizý kózdelgen.Joǵary oqý oryndary aqyly bilimniń baǵasyn ózderi belgileitin bolady
