"Ulttyq testileý ortalyǵy" RMQK direktory Ramazan Álimqulov Qazaqstannyń joǵary oqý oryndaryna túsý úshin emtihannan qansha ball jinaý kerektigin aitty, dep habarlaidy Sputnik Qazaqstan tilshisi.
"Bilim, aýyl sharýashylyǵy jáne veterinariia baǵyty boiynsha eń tómengi shekti ball – 60. Ulttyq ýniversitetterge túsý úshin 65 ball jinaý kerek, meditsina boiynsha da 65 ball qalady", — dedi Álimqulov.
Onyń aitýynsha, biyl test suraqtarynyń 50 paiyzy jańartylǵan. Sonymen qatar suraq qory da kóbeiipti.
"UBT-ǵa daiyndyq qyzý júrip jatyr. Byltyr 40 myń suraq bolsa, biyl qorymyzda 119 myń suraq bar. Onyń 3 myńdaiy – aǵylshyn tilinde. 119 myń suraqtyń 11 paiyzy fýnktsionaldyq saýattylyqqa baǵyttalǵan, 37 paiyzy bir nemese birneshe durys jaýapqa arnalǵan test suraqtary", — dedi ortalyq direktory.
Aita ketsek, biyl ulttyq biryńǵai testileýdi 167 pýnkte ótkizý josparlanyp otyr. Onyń ishinde 48 pýnkti joǵary oqý oryndarynda, qalǵany orta mektepterde ornalasqan.
