Foto: Sot baspasóz qyzmeti
QR Joǵarǵy soty eks-ministr Qýandyq Bishimbaevqa qatysty qylmystyq is boiynsha sotqa qatysty málimdeme jasady, - dep habarlaidy «Ult aqparat» Tengrinews.kz -ke silteme jasap.
Joǵarǵy Sottyń bailanys bólimi basshysy Perizat Sádýaqastyń aitýynsha, Astanada Qylmystyq ister jónindegi mamandandyrylǵan aýdanaralyq sotta Bishimbaevtyń isi boiynsha alqabiler alqasyna kandidattardy irikteitin jabyq otyrys bastalǵan. Otyrysta 12 adamnan turatyn (10 negizgi jáne 2 qosalqy) alqabiler alqasy qurylady.
"Ózderińizge málim, Qýandyq Bishimbaevqa qatysty sot talqylaýyna qoǵamnyń qyzyǵýshylyǵynyń artqanyn eskere otyryp, osy is boiynsha ashyq sot otyrystarynan ashyq onlain-transliatsiia uiymdastyrý týraly sheshim qabyldandy. Osylaisha, onlain-transliatsiia arqyly kez kelgen adam, sonyń ishinde BAQ ókilderi bul sot protsesiniń barysyn baqylai alady.
Bul sheshim sot talqylaýynyń ashyq ári jariialy bolǵanyn jáne jalǵasatynyn bildiredi. Esterińizge sala keteiin, istiń aldyn ala tyńdaýy da ashyqtyq qaǵidaty saqtala otyryp ótti. Protseske qatysýshylardyń jáne qatysýǵa niet bildirýshilerdiń kóptigin eskere otyryp, otyrystan onlain-transliatsiia júrgiziletin qosymsha eki zal uiymdastyryldy", - dep jazdy Joǵarǵy Sot ókili Facebook-paraqshasynda.
