Esil ózeninen Petropavl qalasynyń joǵalyp ketken 29 jastaǵy turǵynynyń denesi tabyldy, dep habarlaidy QazAqparat.
«Soltústik Qazaqstanda birneshe kún boiy joǵalyp ketken Petropavl qalasynyń turǵyny izdestirilgen bolatyn. 7 tamyz kúni tańerteń Esil ózenine jaqyn toǵannan 1990 jyly týǵan Salyqov Saǵyndyq Erdenulynyń denesi tabyldy. Máiitte eshqandai jaraqat belgisi joq. Múrde sot-meditsinalyq saraptamaǵa jóneltildi», - delingen SQO Politsiia departamentiniń baspasóz qyzmeti taratqan málimette.
Jas jigit 3 tamyzda joǵalyp ketkeni habarlanyp otyr. Sońǵy ret Himenko– Jaǵalaý kóshesindegi saýda úiiniń kamerasyna jas jigittiń Esil ózenine bettep bara jatqany túsip qalǵan.
