Pavlodarda 22 qańtarda joǵalyp ketken jergilikti turǵyn Roman Malahov óli tabyldy, - dep habarlaidy Tengrinews.kz tilshisi Pavlodar-onlain saityna silteme jasap.
Ol 22 qańtarda tańerteń shamamen saǵat onnyń kezinde belgisiz baǵytta úiinen shyǵyp ketip, oralmaǵan. Anasy 35 jastaǵy ulynyń qaida júrgenin anyqtaý týraly ótinishpen júgindi. Birneshe saǵattan keiin Vita volonterleri áleýmettik jelilerde er adamǵa izdeý jariialaǵan.
Politseiler, qutqarýshylar men eriktiler birlesip kósheler men kireberisterdi, qudyqtar men qaraýsyz qalǵan úilerdi, saýda ortalyqtary men qurylysy aiaqtalmaǵan ǵimarattardy tekserdi. Izdeý sharalary bir táýlik boiy jalǵasty.
"23 qańtar kúni saǵat 16:00-de Ertis ózeniniń jaǵasynda syrtqy zorlyq belgileri joq er adamnyń denesi tabyldy. Atalmysh derekke qatysty sot-meditsinalyq saraptama taǵaiyndaldy", - delingen habarlamada.
Aldyn ala boljam boiynsha, ol qatty aiazda úsip qalǵan.
