Jitiqara qalasynda 4 adamnan koronavirýs anyqtaldy, dep habarlaidy "Ult aqparat" jedel shtabqa silteme jasap.
«Jitiqara qalasynda koronavirýsty juqtyrǵan 4 adam tirkeldi. Olar 1981, 1987 jáne 1991 jylǵy er kisiler men 1996 jylǵy qyz. Atalǵan azamattar ózderine deiin virýsty juqtyrǵan adamdarmen bailanysta bolǵan», - delingen taratqan aqparatta.
Qazirgi ýaqytta indet juqtyrǵandardyń bári Jitiqara aýdandyq ortalyq aýrýhanasynda juqpaly aýrýlar bólimine jatqyzyldy, tiisti em sharalaryn alyp jatyr. Jaǵdailary qanaǵattanarlyq. Osy azamattarmen bailanysqan tulǵalar anyqtalýda, barlyǵy meditsinalyq baqylaýǵa alynady.
Eske salsaq, 15 sáýir kúni pnevmoniia diagnozymen túsken 1945 jyly týǵan Jitiqara qalasynyń turǵynynan KVI anyqtalyp, kóz jumdy.
Keiin Qostanai oblysy densaýlyq saqtaý basqarmasynyń basshysy Viacheslav Dýdnik indetten kóz jumǵan patsientke qatysty mán-jaidy baian etti.
