Reseidiń LDPR partiiasynyń lideri Vladimir Jirinovskii burynǵy quramyna azdaǵan ózgeris engizip, jańarǵan sipattaǵy KSRO-ny qurýdy usyndy. Saiasatkerdiń ózi bul týraly Twitter-degi resmi paraqshasyna jazdy.
Ózbekstannyń Podrobno.uz portalynyń habarlaýynsha, Jirinovskii qaitadan Keńes Odaǵyn qurýdy ábden múmkin jaǵdai ekenin atap kórsetken. «Ynta men yqylas bolsa, KSRO-ny – erkin sotsialistik respýblikalar odaǵyn jasaý qiyn emes. Buǵan endi Iran, Túrkiia sekildi elderdi shaqyrý kerek», – dep jazady ol.
LDRP serkesiniń aitýynsha, bul úshin eń aldymen KSRO-nyń abbreviatýrasyn ózgertip, ony erkin sotsialistik elderdiń respýblikasy turǵysynda qurý kerek. Munda Túrkiia, Iran sekildi birqatar elderdi shaqyrýǵa da bolady.
Keiinirek Jirinovskii jańarǵan KSRO quramynan Resei, Ázerbaijan, Armeniia, Belarýs, Qazaqstan, Túrkiia, Iran, Siriia, Irak, Qyrǵyzstan, Túrikmenstan, Ýkraina, Grýziia, Moldova, Ózbekstan, Tájikstan elderin kórgisi keletinin bildiripti. Qorytyndyda KSRO quramy 16 respýblikaǵa deiin jetken. Ol tizimge burynǵy odaqtas respýblikalardan tek Latviia, Litva, Estoniia siiaqty Baltyq jaǵalaýy elderin ǵana qospapty.
Murat AITQOJA
