رەسەيدٸڭ لدپر پارتيياسىنىڭ ليدەرٸ ۆلاديمير جيرينوۆسكيي بۇرىنعى قۇرامىنا ازداعان ٶزگەرٸس ەنگٸزٸپ, جاڭارعان سيپاتتاعى كسرو-نى قۇرۋدى ۇسىندى. ساياساتكەردٸڭ ٶزٸ بۇل تۋرالى Twitter-دەگٸ رەسمي پاراقشاسىنا جازدى.
ٶزبەكستاننىڭ Podrobno.uz پورتالىنىڭ حابارلاۋىنشا, جيرينوۆسكيي قايتادان كەڭەس وداعىن قۇرۋدى ەبدەن مٷمكٸن جاعداي ەكەنٸن اتاپ كٶرسەتكەن. «ىنتا مەن ىقىلاس بولسا, كسرو-نى – ەركٸن سوتسياليستٸك رەسپۋبليكالار وداعىن جاساۋ قيىن ەمەس. بۇعان ەندٸ يران, تٷركييا سەكٸلدٸ ەلدەردٸ شاقىرۋ كەرەك», – دەپ جازادى ول.
لدرپ سەركەسٸنٸڭ ايتۋىنشا, بۇل ٷشٸن ەڭ الدىمەن كسرو-نىڭ اببرەۆياتۋراسىن ٶزگەرتٸپ, ونى ەركٸن سوتسياليستٸك ەلدەردٸڭ رەسپۋبليكاسى تۇرعىسىندا قۇرۋ كەرەك. مۇندا تٷركييا, يران سەكٸلدٸ بٸرقاتار ەلدەردٸ شاقىرۋعا دا بولادى.
كەيٸنٸرەك جيرينوۆسكيي جاڭارعان كسرو قۇرامىنان رەسەي, ەزەربايجان, ارمەنييا, بەلارۋس, قازاقستان, تٷركييا, يران, سيرييا, يراك, قىرعىزستان, تٷرٸكمەنستان, ۋكراينا, گرۋزييا, مولدوۆا, ٶزبەكستان, تەجٸكستان ەلدەرٸن كٶرگٸسٸ كەلەتٸنٸن بٸلدٸرٸپتٸ. قورىتىندىدا كسرو قۇرامى 16 رەسپۋبليكاعا دەيٸن جەتكەن. ول تٸزٸمگە بۇرىنعى وداقتاس رەسپۋبليكالاردان تەك لاتۆييا, ليتۆا, ەستونييا سيياقتى بالتىق جاعالاۋى ەلدەرٸن عانا قوسپاپتى.
مۇرات ايتقوجا
