Buǵan deiin Qaraǵandy oblysynyń energetika jáne turǵyn úi-kommýnaldyq sharýashylyǵy basqarmasynyń jetekshisi bolyp qyzmet etken Qairat Begimov Jezqazǵan qalasynyń ákimi bolyp taǵaiyndaldy. Qalanyń jańa basshysyn aktivke Qaraǵandy oblysynyń ákimi Erlan Qoshanov tanystyrdy, dep habarlaidy "Ult aqparat" oblys ákiminiń baspasóz qyzmetine silteme jasap.
«QR Prezidenti Ákimshiliginiń kelisimi, meniń ókimim, qalalyq máslihattyń sheshimi boiynsha Qairat Begimov Jezqazǵan qalasynyń ákimi bolyp sailandy. Qairat Baiandyulynyń eńbek joly negizinen kommýnaldyq sala jáne qurylyspen bailanysty boldy. Sol sebepti Jezqazǵan qalasynyń ákimi qyzmetine úmitkerlerdi qaraǵan kezde biz qalanyń negizgi máseleleri turǵyn úi-kommýnaldyq sharýashylyǵymen bailanysty ekenin eskerdik», - dedi Erlan Qoshanov.
Jezqazǵannyń burynǵy ákimi Batyrlan Ahmetov óz erkimen qyzmetinen ketken bolatyn. QR Prezidenti Jarlyǵymen bekitilgen taǵaiyndaý tártipterine sáikes, jańa qala jetekshisiniń úmitkerligi kezekten tys sessiiada jergilikti máslihat depýtattaryna usynyldy. Depýtattar biraýyzdan úmitker Qairat Begimovti qoldady.
Qairat Baiandyuly 1968 jyly 23 aqpanda Qaraǵandyda týǵan. Eki joǵarǵy bilimi bar. 1992 jyly Qaraǵandy politehnikalyq institýtyn, 2004 jyly Almaty ekonomika jáne statistika akademiiasyn «ónerkásip kóliginiń injeneri», «qyzmetkerlerdi basqarýshy, ekonomist»
Eńbek jolyn «Qaraǵandy kómir» birlestiginde jekeshelendirý jáne turǵyn úi bóliminiń basshysy bolyp bastaǵan. Keiin Qaraǵandy aýdandarynyń birinde TÚKSh bólimin basqarǵan. Oktiabr aýdanynyń ákimi, Qaraǵandy ákiminiń kommýnaldyq máseleler boiynsha orynbasary, Qaraǵandy oblysy qurylys basqarmasynyń jetekshi orynbasary bolyp qyzmet etti.
Taǵaiyndaýǵa deiin 2015 jyldyń shilde aiynan bastap Qaraǵandy oblystyq energetika jáne turǵyn-úi kommýnaldyq sharýashylyq basqarmasyna basshylyq etti.
