Jezqazǵan qalasynyń tanymal pabliginde jaiaý júrginshiler jolynan ótip bara jatqan áieldi qaqqan jol talǵamaityn kólik týraly video jariialandy, dep habarlaidy "Ult aqparat".
Kadrdan qart áieldiń jaiaý júrginshiler jolymen ótip bara jatqany kórinedi. Qas-qaǵym sátte ony kólik kelip soǵady.
Alǵan soqqydan áiel birneshe metr qashyqtyqqa ushyp ketedi. Júrgizýshi kólikten shyǵyp, jábirlenýshige kómektesýge tyrysady.
Qazir zardap shekken ájei aýrýhananyń jansaqtaý bóliminde jatyr.
«Naýqas reanimatsiiada. Aýyr aralas polijaraqat, qabyrǵanyń synýy, jambas synýy, keýde jaraqaty tirkelgen. Jaǵdaiy turaqty aýyr», - dep málimdedi Qaraǵandy oblysy densaýlyq saqtaý basqarmasynyń baspasóz qyzmeti.
Júrgizýshiniń jaiaý júrginshini qalaisha baiqamai qalǵanyn politseiler anyqtap jatyr.
«Nissan Patrol kóligin 50 jastaǵy júrgizýshi basqarǵan. Ol Seifýllin kóshesimen Abai kóshesi jaǵynan Amanjolov kóshesine qarai kele jatyp, 67 jastaǵy jaiaý júrginshini qaǵyp ketken. Jol-kólik oqiǵasy saldarynan túrli jaraqat alǵan áiel meditsinalyq mekemege jetkizildi. Derek tirkelip, tiisti saraptamalar taǵaiyndaldy, onyń nátijesi boiynsha protsessýaldyq sheshim qabyldanady», - dep habarlady Qaraǵandy oblysy PD baspasóz qyzmetinde.
