جەزقازعان قالاسىنىڭ تانىمال پابليگٸندە جاياۋ جٷرگٸنشٸلەر جولىنان ٶتٸپ بارا جاتقان ەيەلدٸ قاققان جول تالعامايتىن كٶلٸك تۋرالى ۆيدەو جارييالاندى, دەپ حابارلايدى "ۇلت اقپارات".
كادردان قارت ەيەلدٸڭ جاياۋ جٷرگٸنشٸلەر جولىمەن ٶتٸپ بارا جاتقانى كٶرٸنەدٸ. قاس-قاعىم سەتتە ونى كٶلٸك كەلٸپ سوعادى.
العان سوققىدان ەيەل بٸرنەشە مەتر قاشىقتىققا ۇشىپ كەتەدٸ. جٷرگٸزۋشٸ كٶلٸكتەن شىعىپ, جەبٸرلەنۋشٸگە كٶمەكتەسۋگە تىرىسادى.
قازٸر زارداپ شەككەن ەجەي اۋرۋحانانىڭ جانساقتاۋ بٶلٸمٸندە جاتىر.
«ناۋقاس رەانيماتسييادا. اۋىر ارالاس پوليجاراقات, قابىرعانىڭ سىنۋى, جامباس سىنۋى, كەۋدە جاراقاتى تٸركەلگەن. جاعدايى تۇراقتى اۋىر», - دەپ مەلٸمدەدٸ قاراعاندى وبلىسى دەنساۋلىق ساقتاۋ باسقارماسىنىڭ باسپاسٶز قىزمەتٸ.
جٷرگٸزۋشٸنٸڭ جاياۋ جٷرگٸنشٸنٸ قالايشا بايقاماي قالعانىن پوليتسەيلەر انىقتاپ جاتىر.
«Nissan Patrol كٶلٸگٸن 50 جاستاعى جٷرگٸزۋشٸ باسقارعان. ول سەيفۋللين كٶشەسٸمەن اباي كٶشەسٸ جاعىنان امانجولوۆ كٶشەسٸنە قاراي كەلە جاتىپ, 67 جاستاعى جاياۋ جٷرگٸنشٸنٸ قاعىپ كەتكەن. جول-كٶلٸك وقيعاسى سالدارىنان تٷرلٸ جاراقات العان ەيەل مەديتسينالىق مەكەمەگە جەتكٸزٸلدٸ. دەرەك تٸركەلٸپ, تيٸستٸ ساراپتامالار تاعايىندالدى, ونىڭ نەتيجەسٸ بويىنشا پروتسەسسۋالدىق شەشٸم قابىلدانادى», - دەپ حابارلادى قاراعاندى وبلىسى پد باسپاسٶز قىزمەتٸندە.
