Jetisý oblysynda politsiia qyzmetkerleri tirkemesi bar júk kóliginiń júrgizýshisine kómek kórsetti, dep habarlaidy Ult.kz.
Kólik Almaty – Óskemen avtojolynda aýdarylyp ketken. Oqiǵa saldarynan jolǵa 35 tonna kúnbaǵys tuqymy tógildi.
Intsident «AKL» bazary mańyndaǵy bir qiylysta bolǵan. Aldyn ala derekterge sáikes, júrgizýshi solǵa burylý kezinde rólge ie bola almai, kólikti aýdaryp alǵan.
Oqiǵa ornyna kelgen tártip saqshylary júk kóligin qaita tiktep, tógilgen ónimdi qaita tieýge járdemdesti. Júrgizýshi alǵan kómegi men jedel áreketi úshin politseilerge shyn júrekten alǵys aitty.
