Foto: Polisia.kz
Jetisýda aýyl turǵyndaryna qaitarymsyz grant alyp berýge ýáde bergen kúdiktiler ustaldy, – dep habarlaidy «Ult aqparat» Polisia.kz - ke silteme jasap.
Kóksý aýdanynyń turǵyndaryna eki alaiaq qaitarymsyz granttardy ýáde etken. Alaiaqtyq týraly aryzben Kóksý aýdandyq politsiiasyna birneshe jergilikti turǵyndar júgindi.
Jábirlenýshilerdiń aitýynsha, beitanys áielder memleket beretin qaitarymsyz granttar aiasynda aqsha alýǵa kómekterin usynǵan. Sodan keiin, alaiaqtar tórt aýyl turǵynyn aldap, 450 myńnan 1,5 million teńgege deiin qarajattaryn iemdenip alǵan.
– Alaiaqtar azamattarǵa kásipkerlikti damytý jónindegi ulttyq joba sheńberinde beriletin qaitarymsyz grantty alýda kómek kórsetýge ýáde bergen. Sonymen qatar qajetti shyǵyndarǵa, sondai-aq jańa biznesti bastaýǵa jáne damytýǵa arnalǵan ótinimderdi maquldaý úshin usynylatyn memlekettik granttyń kóleminiń 10 paiyzyn tóleý qajet ekenin málimdegen, – dep vedomstvoda atap ótti.
Politsiia qyzmetkerleri alaiaqtardy anyqtap, ustady. Olar almatylyq Aliia Omarova men Shymkent qalasynyń turǵyny Tólbasy Úseinqyzy bolyp shyqty. Tórt epizod boiynsha qylmystyq is sotqa jiberildi. Sot alaiaqtardy kináli dep tapty jáne keltirilgen zalaldyń ornyn toltyrýdy eskere otyryp, sot taraptardy tatýlastyrǵany úshin qylmystyq isti toqtatty.
Qazaqstandyqtardy aldaý áreketteriniń jiileýine bailanysty óńir politsiiasy azamattardy muqiiat bolýǵa jáne belgili bir aqshalai syiaqyǵa granttar, sýbsidiialar, nesieler jáne ózge de qarajattardy alýǵa kómektesýge niet bildirgen kúdikti adamdar týraly quqyq qorǵaý organdaryna habarlaýǵa shaqyrady.
