Kollaj azattyq-ruhy.kz
Jetisý oblysynyń prokýrorlary investorlarǵa úsh jyl boiy jer telimderi negizsiz berilmei kelgenin anyqtady, – dep habarlaidy «Ult aqparat» Sputnik Qazaqstanǵa silteme jasap.
Prokýratýranyń aqparatynsha, eki sharýa qojalyǵy úsh jyldan astam ýaqyt boiy bordaqylaý alańyn salý jáne asyl tuqymdy aýyl sharýashylyǵy janýarlaryn ósirý úshin jer telimderin ala almaǵan.
"Jer zańnamasyna qaramastan jergilikti atqarýshy organ negizsiz jer telimderin berýden bas tartqan. Prokýrorlyq qadaǵalaý aktisin engizgennen keiin investorlarǵa jalpy kólemi 39 gektar jer telimderi berilip, kináli laýazymdy tulǵalar tártiptik jaýapkershilikke tartyldy", - delingen habarlamada.
Investorlardyń quqyqtaryn qorǵaý – prokýratýra qyzmetiniń basym baǵyttarynyń biri, dep atap ótti vedomstvodaǵylar.
Jetisý oblystyq prokýratýrasy investorlardyń shaǵymyna jedel den qoiý maqsatynda front-ofis qurylǵanyn jáne mobildi top (bailanys telefony 8-701-131-04-44) táýlik boiy jumys isteitinin eske saldy.
