Foto: ashyq derekkóz
Jetisý oblysynyń Alakól aýdanynda jalpy kadastrlyq quny 100 million teńge bolatyn 1655 gektar jer memleket menshigine qaitaryldy, dep habarlaidy Ult.kz oblystyq prokýratýraǵa silteme jasap.
Prokýrorlardyń málimetinshe, óńirde aýyl sharýashylyǵyna jaramdy jerler tiimsiz paidalanylǵan. Jer resýrstaryna degen suranystyń joǵary bolýyna qaramastan, jergilikti ákimdik paidalaný merzimi áldeqashan ótken ýaqytsha jer telimderin qaitarý sharalaryn ýaqytyly júrgizbegen.
Qadaǵalaý barysynda 14 jer telimin qaitarý qajettigi anyqtaldy. Prokýratýranyń aralasýymen atalǵan jerler memlekettik jer qoryna ótkizildi.
Bul shara Jetisý oblysyndaǵy jerdi ádil ári tiimdi úlestirýdi qamtamasyz etýge baǵyttalǵan. Prokýratýra zań buzýshylyqtardyń aldyn alý jáne jer resýrstaryn qorǵaý jumystaryn jalǵastyra beretinin málimdedi.
