Foto: TJM
Jetisý oblysynda boran saldarynan jolda qalyp qoiǵan azamattardy evakýatsiialaý jumystary júrgizilip, barlyǵy 53 adam aman-esen qutqaryldy, dep habarlaidy Ult.kz.
«Saryózek – Kóktal» avtojolynyń 15–40 shaqyrymynda qarǵa batyp qalǵan 14 jeńil kólikten 47 adam evakýatsiialandy. Qar qursaýynda turǵan taǵy bir avtokólik jolǵa shyǵaryldy.
«Usharal – Dostyq» avtojolynyń Terekty ýchaskesinde 2 kólikten 6 azamat qutqarylyp, Kóktuma stantsiiasyna jetkizildi.
Qutqarý jumystaryna tótenshe jaǵdai qyzmetiniń mamandary men politsiia bólimsheleri jumyldyryldy.
Qutqarylǵandardyń barlyǵynyń jaǵdaiy jaqsy, eshqaisysyna meditsinalyq kómek qajet bolmady.
TJM: Qaýipti jaǵdai týyndasa, 112 nómirine habarlasýǵa keńes beredi.
