Foto: gov.kz
Qutqarýshylar Jetisý oblysyndaǵy sý basqan aýyldardan adamdardy evakýatsiialaý sátin kórsetti, - dep habarlaidy "Ult aqparat".
QR TJM baspasóz qyzmetiniń málimetinshe, Eskeldi aýdanynyń sý basqan eldi mekenderinde 22 qutqarýshydan turatyn Jetisý oblysy TJD kúshteri men quraldary jumys istep jatyr, olar júzý quraldarynan bólek arnaiy jabdyqtar jáne tehnikamen jabdyqtalǵan.
"Qazirgi ýaqytta injenerlik jumystar, adamdardy ishinara evakýatsiialaý jáne sý aidaý jumystary júrgizilip jatyr", - delingen habarlamada.
Sondai-aq JD jáne JAO kúshimen Qarabulaq aýylynda (2 km) 30 turǵyndy evakýatsiialaý júrgizilgen. Úiler men sý basqan aýmaqtardyń sany anyqtalyp jatyr.
"Qutqarýshylar qoldan kelgenshe kómek kórsetip, azamattardy sý basqan aýlalardan shyǵarýda.
Eskeldi aýdanynyń Abai aýylynda 20-ǵa jýyq aýla aýmaǵy sý astynda qalsa, Kóksý aýdany Mámbet aýylynda 5 aýla aýmaǵy sý astynda qaldy. Aýyldarda JAO kúshimen jańbyr sýyn burý jumystary júrgizilip jatyr" - delingen habarlamada.
Eldi mekender taý bókterine jaqyn ornalasqan.
Eske salaiyq, buǵan deiin Jetisý oblysynda tolassyz jaýǵan jańbyrdan keiin Eskeldi aýdany Eshkiólmes jáne Abai aýyldaryn sý basqany habarlanǵan bolatyn. Oqiǵa ornyna oblystyq TJD kúshteri jumyldyrylǵan. Sý basqan aýmaqtardan turǵyndardy ishinara evakýatsiialaý júrgizilip jatyr.
