Almaty oblysy Alakól aýdany Úsharal qalasynda alty jasar bala traktordyń tirkemesiniń astyna túsip qaza tapty, - dep habarlaidy Massaget.kz oblystyń politsiia departamentiniń baspasóz qyzmetine silteme jasap.
Vedomstvo málimetinshe, 24 shilde kúni keshki ýaqytta 50 jastaǵy er adam bala turatyn úige traktormen shóp ákelgen. Eresekter shóp oramyn túsirip jatqanda, aýlada oinap júrgen alty jasar bala kólik tirkemesiniń astyna kirip ketken. Kólik qozǵala bastaǵan kezde balany tirkemeniń dóńgelekteri myjyp ketti.
"Qazirgi ýaqytta osy derek boiynsha Qylmystyq kodekstiń 104-babynyń 1-bóligi (abaisyzda ólim keltirý) boiynsha qylmystyq tergeý bastaldy. Mundai jaǵdailarda qajetti saraptamalar taǵaiyndalady", - dep habarlady oblystyq politsiianyń baspasóz qyzmeti.
