Túrkistan oblysy, Jetisai aýdanynyń kásipkerleri aýrýhanalarǵa jasandy tynys alý apparatyn alyp berýde, dep habarlaidy "Ult aqparat".
Atalǵan aýdan kásipkerleri Asyqata aýrýhanasyna 5 kislorodtyq kontsentrat alyp berdi. Al, aýdannyń isker áielder keńesinen qurylǵan «Isker Analar» qaiyrymdylyq qory aýrýhanaǵa 40-litrlik ottegi balonyn alýǵa qarjylai kómek berdi. Sonymen qatar jeke kásipker Q. Parmanqulov emdeý mekemesine kislorod qospasyn jetkizip berdi. Eldegi jaǵdaida bei-jai qarai almaǵan azamattar «Bizbirgemiz» uranymen naýqastarǵa kómek qolyn sozyp, qoldan kelgen kómekterin aiamaýda.
Aita keteiik, buǵan deiin aýdandyq máslihattyń depýtaty Jumaǵali Tórequl óz januiasynyń atynan Jetisai aýdandyq ortalyq aýrýhanasyna quny 700 myń teńgelik jasandy tynys alý apparatyn syiǵa tartqan bolatyn.
