تٷركٸستان وبلىسى, جەتٸساي اۋدانىنىڭ كەسٸپكەرلەرٸ اۋرۋحانالارعا جاساندى تىنىس الۋ اپپاراتىن الىپ بەرۋدە, دەپ حابارلايدى "ۇلت اقپارات".
اتالعان اۋدان كەسٸپكەرلەرٸ اسىقاتا اۋرۋحاناسىنا 5 كيسلورودتىق كونتسەنترات الىپ بەردٸ. ال, اۋداننىڭ ٸسكەر ەيەلدەر كەڭەسٸنەن قۇرىلعان «ٸسكەر انالار» قايىرىمدىلىق قورى اۋرۋحاناعا 40-ليترلٸك وتتەگٸ بالونىن الۋعا قارجىلاي كٶمەك بەردٸ. سونىمەن قاتار جەكە كەسٸپكەر ق. پارمانقۇلوۆ ەمدەۋ مەكەمەسٸنە كيسلورود قوسپاسىن جەتكٸزٸپ بەردٸ. ەلدەگٸ جاعدايدا بەي-جاي قاراي الماعان ازاماتتار «بٸزبٸرگەمٸز» ۇرانىمەن ناۋقاستارعا كٶمەك قولىن سوزىپ, قولدان كەلگەن كٶمەكتەرٸن اياماۋدا.
ايتا كەتەيٸك, بۇعان دەيٸن اۋداندىق مەسليحاتتىڭ دەپۋتاتى جۇماعالي تٶرەقۇل ٶز جانۇياسىنىڭ اتىنان جەتٸساي اۋداندىق ورتالىق اۋرۋحاناسىنا قۇنى 700 مىڭ تەڭگەلٸك جاساندى تىنىس الۋ اپپاراتىن سىيعا تارتقان بولاتىن.
