Túrkistan oblysy, Jetisai aýdanynda qyzdaryna qorlyq kórsetip kelgen ógei sheshege qatysty tergeý sharalary bastaldy. Bul týraly oblystyq Politsiia departamenti resmi málimet taratty, dep habarlaidy "Ult aqparat".
«Quzyrly organdar Jetisai aýdanynda bolǵan jáne áleýmettik jeli arqyly taraǵan ógei ananyń qatygezdikpen balalaryn uryp-soǵyp, dene jaraqattaryn salý áreketin anyqtady. Bul jait Jetisai aýdandyq politsiia basqarmasynda tirkeldi. QR QK 140-babyna sáikes sotqa deiingi tergeý amaldary júrip jatyr. Kúdiktige shekteý sharasy qoldanylady. Komissiia sheshimimen balalar ájesine tapsyrylǵan. Bul jait Qazaqstan Respýblikasy Ishki ister ministriniń jáne oblys prokýrorynyń baqylaýynda», - delingen habarlamada.
Eske salaiyq, óńirdegi áleýmettik jeli belsendisi Áset Ássandi óziniń feisbýktegi paraqshasynda Jetisai aýdanynda turatyn ógei shesheniń qyzdaryna qorlyq kórsetkeni týraly jazba taratqan bolatyn.
Onda kelinshektiń úsh jetkishek qyzǵa ine tyǵyp, tońazytqyshqa otyrǵyzyp qoiǵany jáne qaishymen denelerine jaraqat salǵany aitylady.
Osyǵan deiin Ishki ister ministrligi bul oqiǵaǵa bailanysty qylmystyq is qozǵaǵandyǵyn habarlaǵan edi.
