Jetisaida qulyptalǵan kólik ishinde 5 jasar qyz ben shaqalaq sábi qalyp qoiǵan, - dep habarlaidy Tengrinews.kz agenttigi.
Jetisai APB kezekshi bólimine jergilikti turǵyn, iaǵni kýágerlerdiń biri habarlasyp, Jetisai qalasy kósheleriniń birinde Toyota Camry kóliginiń ishinde 5 jasar qyz ben bópeniń qulyptaýly qap ketkenin aitqan.
Oqiǵa ornyna birden shyqqan politseiler tiisti tekseris jumystaryn júrgizip, balalardyń ata-anasyn anyqtap, jaýap aldy.
Erli-zaiyptylardyń aitýynsha, olar 10 minýt buryn diagnostikalyq ortalyqqa kezekke turýǵa ketken.
Atalǵan jait boiynsha tártip saqshylary aldaǵy ýaqytta bundai jaǵdaidyń qaitalanbaýy úshin kishkentailardyń ata-anasyna túsindirý jumysyn júrgizdi.
Qazirgi tańda balalardyń jaǵdaiy jaqsy. Ata-anasymen birge.
