Túrkistan oblysy, Jetisai aýdanynda azyq-túlik pen kiim-keshekti tegin taratatyn qaiyrymdylyq dúkeni ashylǵan. «Meiirim-Shapaǵat» qaiyrymdylyq dúkeni aýdan ákiminiń bastamasymen jáne jumyspen qamtý jáne áleýmettik baǵdarlamalar bóliminiń uiytqy bolýymen jumys istep tur, dep habarlaidy QazAqparat tilshisi.
Aýdandaǵy áleýmettik jaǵdaiyn tiktei almai júrgen myńdaǵan jetisailyqtarǵa kómek kórsetý maqsatynda ashylǵan dúkende turǵyndarǵa tegin kiim-keshek úlestirlip, múmkindiginshe qosymsha azyq-túlik beriledi. Áleýmettik dúkenge aýdannyń jomart jandary men kásipkerler demeýshilik jasap keledi. Osydan bir jyl buryn, iaǵni, ótken jyldyń aqpanynda oblys boiynsha birinshi bolyp ashylǵan qaiyrymdylyq dúkeni kúni búginge deiin 1500-ge tarta áleýmettik qoldaýdy qajet etetin nemese múmkindigi shekteýli músheleri bar, kópbalaly otbasylarǵa kómek berip úlgergen.
«Taǵdyr taýqymetin tartyp, qorshaǵan ortadan, imanjúzdi azamattardan meiirim shýaǵyn, jan jylýyn kútetin múmkindigi shekteýli jandar men áleýmettik qoldaýdy qajet etetin aýdannyń kez kelgen azamatyna kómek beremiz. Dúkenimiz aptanyń dúisenbi-juma kúnderi tańerteńgi 09:00-18:00 aralyǵynda jumys isteidi», - deidi Jetisai aýdandyq jumyspen qamtý jáne áleýmettik baǵdarlamalar bóliminiń basshysy Ádilhan Ábjanov.
