Shymkent qalasynyń turǵyny Jetisaiǵa baryp, qaiyrshylyqpen ainalysqan. Jalǵan múgedek bolyp, arbaǵa otyrǵan ony tártip saqshylary jaýapqa tartty, dep habarlaidy QazAqparat.
Jetisai aýdandyq politsiia bóliminiń ýchaskelik politsiia inspektorlary qaiyrshylyqpen ainalysýdy ádet etken 3 turǵyndy anyqtap, olarǵa QR ÁQBtK-niń 449-babymen «Qoǵamdyq oryndarda tiisý» negizinde hattama toltyrdy. Atalǵan quqyq buzýshy 3 er adamnyń ekeýi jergilikti, bireýi Shymkent qalasynyń turǵyny bolyp shyqty.
«Olar ortalyq bazarda qaiyrshylyq jasaǵan. Budan buryn eskertý de berilgen. Sonymen qatar, jurtqa alaqan jaiyp, qaiyr surap otyrǵan shymkenttik er adamnyń múgedekter arbasynda otyrǵany jai kózboiaýshylyq ekeni belgili boldy. Iaǵni, tekserý kezinde onyń óz aiaǵymen júre alatyny anyqtaldy» - deidi politsiia maiory Elaman Abishev.
