Túrkistan oblysy ákimdiginiń aptalyq apparat otyrysynda Jetisai jáne Maqtaaral aýdandarynyń ózekti máseleleri talqylandy, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Oblys ákimi Ómirzaq Shókeev atalǵan aýdandardaǵy jobalardy júzege asyrý, infraqurylymyn jaqsartý jumystary nazarda turǵanyn málimdedi.
«Aǵyn sý máselesi óte ózekti. Ásirese sharýalarǵa sý qajet bolatyn qazirgi kezeńde bosańsymaǵan jón. Ekinshiden, sý nysandary ýaqtyly ári sapaly tapsyrylýǵa tiis. Aýdan basshylary jumysyn durys atqarmaǵan merdigerler boiynsha zań sheńberinde áreket etsin», – dedi Ó.Shókeev.
Jetisai aýdanynyń ákimi Murat Qadyrbektiń aitýynsha, aýdannyń eldi mekenderin sapaly tabiǵi gazben qamtamasyz etý maqsatynda «Jetisai» AGTS salý» jáne «Kirovo» AGTS salý» jobalary boiynsha respýblikalyq biýdjetten tiisti qarjylary bólinip, jumystary júrgizilip jatyr. Jumystyń 85% aiaqtalǵan. Nysan 2023 jylǵa ótpeli. Qosymsha qarjylar bólingen jaǵdaida nysandardyń qurylys jumystaryn biyl aiaqtaýǵa múmkinshilik bar. Búgingi tańda aýdandaǵy eldi mekenderdiń 52,8%-y tabiǵi gaz júiesimen qamtylǵan.
Jiynda gaz stantsiialaryna qosymsha qarjy bólý. Tik drenajdar men kanaldardy jóndeý, mektepterdi kúrdeli jóndeýden ótkizý jáne ózge de asa ózekti máseleler talqylandy.
Maqtaaral aýdany boiynsha da eldiń ómir sapasyn jaqsartý baǵytyndaǵy túitkilder tarqatyldy. Aýdan ákimi Baqyt Asanovtyń málimdeýinshe, aýdandaǵy jalpy 69 eldi mekenniń 36-sy tabiǵi gazben qamtylǵan. Bul – aýdandaǵy eldi mekenderdiń jalpy sanynyń 52,1% quraidy. Gazdandyrylmaǵan 32 eldi mekenderdi qamtý maqsatynda Jańajol jáne J.Nurlybaev aýyldyq okrýgi eldi mekenderine deiingi jetkizýshi gaz qubyrynyń, AGTS «Maqtaaral» jáne Iirjar aýyldyq okrýgine qarasty 9 eldi mekenniń gaz nysanynyń (1720 otbasy, 10658 turǵyn) qurylystary júrgizilýde. Nysan qurylystary 2023 jylǵa ótpeli. Atalǵan qurylystardy biyl aiaqtaý úshin qosymsha qarjy qajet ekeni aityldy. Sonymen birge 11 eldi mekenniń aýyz sý júiesin jańartý, tik drenajdar men qashyrtqylardy retteý, jóndeý máseleleri de saralanyp, oblys ákimi tarapynan tiisti tapsyrmalar berildi.
