Taldyqorǵan qalalyq sotynyń úkimimen jergilikti bilim berý bólimindegi balalardyń quqyqtaryn qorǵaý sektorynyń meńgerýshisi 400 myń teńge parany 12 mln teńge qylyp qaitaratyn boldy, dep habarlaidy QazAqparat.
Sybailas jemqorlyqqa qarsy is-qimyl agenttiginiń asa mańyzdy ister boiynsha tergeýshisi Daniiar Begaidarov Antikor aqparat alańynda osyndai málimet keltirdi.
«Almaty oblysynyń Taldyqorǵan qalalyq sotynyń úkimimen «Taldyqorǵan qalasynyń bilim bólimi» MM balalardyń quqyqtaryn qorǵaý sektorynyń meńgerýshisi A.Tuiaqbaevqa 12 mln teńge kóleminde aiyppul salyndy. Sondai-aq, sot úkimimen K.Polnomochnova 4 mln teńge mólsherinde aiyppul arqalaityn boldy. A.Tuiaqbaev K.Polnomochnovanyń deldaldyǵymen jetim balany bóten otbasyna tárbieleýge bergeni úshin 400 myń teńge somasynda para aldy degen kúdikke ilingen bolatyn», - deidi agenttiktiń asa mańyzdy ister boiynsha tergeýshisi.
