تالدىقورعان قالالىق سوتىنىڭ ٷكٸمٸمەن جەرگٸلٸكتٸ بٸلٸم بەرۋ بٶلٸمٸندەگٸ بالالاردىڭ قۇقىقتارىن قورعاۋ سەكتورىنىڭ مەڭگەرۋشٸسٸ 400 مىڭ تەڭگە پارانى 12 ملن تەڭگە قىلىپ قايتاراتىن بولدى, دەپ حابارلايدى قازاقپارات.
سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر بويىنشا تەرگەۋشٸسٸ دانييار بەگايداروۆ Antikor اقپارات الاڭىندا وسىنداي مەلٸمەت كەلتٸردٸ.
«الماتى وبلىسىنىڭ تالدىقورعان قالالىق سوتىنىڭ ٷكٸمٸمەن «تالدىقورعان قالاسىنىڭ بٸلٸم بٶلٸمٸ» مم بالالاردىڭ قۇقىقتارىن قورعاۋ سەكتورىنىڭ مەڭگەرۋشٸسٸ ا.تۇياقباەۆقا 12 ملن تەڭگە كٶلەمٸندە ايىپپۇل سالىندى. سونداي-اق, سوت ٷكٸمٸمەن ك.پولنوموچنوۆا 4 ملن تەڭگە مٶلشەرٸندە ايىپپۇل ارقالايتىن بولدى. ا.تۇياقباەۆ ك.پولنوموچنوۆانىڭ دەلدالدىعىمەن جەتٸم بالانى بٶتەن وتباسىنا تەربيەلەۋگە بەرگەنٸ ٷشٸن 400 مىڭ تەڭگە سوماسىندا پارا الدى دەگەن كٷدٸككە ٸلٸنگەن بولاتىن», - دەيدٸ اگەنتتٸكتٸڭ اسا ماڭىزدى ٸستەر بويىنشا تەرگەۋشٸسٸ.
