Foto: Zakon.kz
Almatyda tártipsizdikterden zardap shekken politseiler búlikshiler shabýylynan qalai aman qalǵanyn aitty, - dep habarlaidy Tengrinews.kz tilshisi.
"Qazaqstan" sanatoriiinde, IIM-niń burynǵy vedomstvolyq sanatoriiinde 5 qańtarda qaladaǵy tártipsizdikter kezinde zardap shekken Almaty politsiiasynyń 11 qyzmetkeri ońaltýdan ótip jatyr. Olardyń kópshiligi qalalyq aýrýhanalarda emdelgen.
Aǵa leitenant Rýslan Ragimov Túrksib aýdandyq politsiia basqarmasynyń 8-rotasynyń patrýldik polkinde qyzmet etedi. Ol Almaty qalasynyń týmasy, "Turan" ýniversitetiniń zań fakýltetin bitirip, bes jyldan beri quqyq qorǵaý organdarynda qyzmet etip keledi. Rýslan 5 qańtarǵa qaraǵan túni beket aýmaǵynda bolǵanyn eske alady. Barlyq qyzmetker túngi saǵat úshte Seifýllin dańǵylynda jinalyp, Timiriazevke qarai jyljyǵan.
"Bizde shamamen, eki júz qyzmetker boldy, al jinalǵandardyń sany 1000-ǵa jýyq. Mindetimiz Seifýllindegi jergilikti politsiia qyzmeti ǵimaratyna shabýyldyń aldyn alý boldy. Qolymyzda taiaq, dýlyǵa jáne qalqandar boldy, biraq tabeldik qarý bolmady. Topta negizinen 18-35 jas aralyǵyndaǵy jastar. Olar tas laqtyra bastady, keibireýinde qalqandar, sondai-aq taiaqtar, temir jáne basqa da zattar boldy", - dedi Rýslan Ragimov.
Politseidiń aitýynsha, olardy qorshaýǵa ala bastaǵan. Organ qyzmetkerlerin uryp-soǵyp, tas laqtyryp, qorshaýdan shyǵaryp alǵan. Keibir quqyq qorǵaý qyzmetkerlerine aýyr soqqy tiip, esinen tanyp qalǵan. Rýslannyń basyna da tas tigen, sodan keiin olar ura bastaǵan. Jinalǵandardyń biri alǵa shyǵyp, politsiia qyzmetkerin urýdy toqtatýdy suraǵan.
Rýslan qazir fizioterapiia, massaj jáne sý protsedýralarynan ótip jatyr. Onyń aitýynsha, ońaltý arqasynda ol tezirek qalpyna kelgen. Degenmen, bas aýrýy áli bar.
Politsiia kapitany Mádi (aty-jóni ózgertilgen) sý arnasy, JEO, murajailar jáne ákimdik siiaqty qalanyń strategiialyq mańyzdy nysandaryn qorǵaýǵa jaýapty bólimshede jumys isteidi. Ol politsiiada 12 jyl qyzmet etedi. Mádi zań fakýltetin bitirgen. Shamamen 10 jyl boiy politsiia qyzmetkeri memlekettik kúzetýge jatatyn jeke tulǵalardy kúzetýmen ainalysqan, sodan keiin nysandardy kúzetýge kóshken. Mádi 4 qańtarda demalysta bolǵanyn esine alady, biraq túngi ýaqytta dabyl boiynsha jinalyp, bólimshelerin qorǵaǵan. 5 qańtarda tańǵy saǵat 9-da olardyń bólimsheleri ákimdik ǵimaratyn qorǵaýǵa jiberilgen.
"Qyzmetkerlerimiz shabýyldardy toitaryp úlgerdi jáne bizdi kúsheitý retinde jiberdi. Bizben birge Aeroutqyr áskeri, 200-ge jýyq desantshylardan turatyn rota boldy. Sondai-aq, bizdiń 100 qyzmetkerimiz bar. Shabýylshy toppen salystyrǵanda bizde adam az boldy. Ákimdik ishinde boldyq, al desantshylar syrttan qorshady, biraq sodan keiin olardy ishke kirgizdi. Basynda jinalǵandar salystyrmaly túrde beibit boldy, olar Táýelsizdik monýmenti aldyna jinaldy jáne bizge nazar aýdarmady. Shamamen bir saǵattan keiin jinalǵandar kelip, ákimdikke qarai tartyla bastady. Bizge eshqandai jaǵdai jasalǵan joq, olar jai ǵimaratqa shabýyl jasap, bizge kózden jas aǵyzatyn gaz granatalaryn laqtyra bastady", - dedi politsiia qyzmetkeri.
Politseilerde tabeldik qarý bolmaǵan, qorǵanys quraldarynan tek taiaq men jaryq shýyly granatalar, sondai-aq kózden jas aǵyzatyn gaz bolǵan.
"Granata aiaǵymnyń astynda jarylǵan kezde men osynda ólemin dep oiladym. Biz áriptesterimizben boldyq jáne bir-birimizge ǵimaratqa kirip, ekinshi qabatqa kóterilýge kómektestik. Sodan keiin búlikshiler kabinetterdi "teksere" bastady jáne bizdi kabinetten tapty. Bizdi ura bastady. Olardyń bári jas jigitter. Olar nege men halyqqa qarsy ekenimdi surady. Biz bárimiz - qyzmetkerler men ofitserler - ant qabyldadyq. Bul bizdiń jumysymyz ekenin aittym, biraq olar túsinbedi", - dedi Mádi.
Politseidiń aitýynsha, keiinirek olardy uryp-soǵyp, aýlaǵa shyǵaryp, qashýdy buiyrǵan, biraq olardyń baratyn jeri bolmaǵan, óitkeni ekinshi jaǵynan jańa top kegen. Zardap shekkender qaitadan júgirip, jertólege ketken. Olar esikti jaýyp alǵan. Onda birneshe politsiia qyzmetkerleri men merzimdi áskeri qyzmetkerler 19 saǵatqa deiin otyrǵan.
"Keshki saǵat jetide adamdar keldi. Meniń estigenim: "bul bizdiń jigitter". Olar azamattyq kiim berdi jáne biz alańnan shyǵyp, áriptesterimizben bailanysa aldyq. Olar bizdi úige, sodan keiin jedel járdemge apardy. Aýrýhanada tekserýden keiin jáne alǵashqy kómek kórsetkennen keiin bizdi úige jiberdi", - dep qosty politsiia qyzmetkeri.
"Qazaqstan" shipajaiynyń prezidenti Beksultan Sársekov ishki ister ministri Erlan Turǵymbaevtyń tapsyrmasy boiynsha politseiler ońaltýdan ótip jatqanyn aitty. Sanatorii bazasynda statsionar uiymdastyrylǵan. Zardap shekken tártip saqshylary dárigerlerdiń usynysy boiynsha em alady. Sonymen qatar, olar fizioemdeý kýrsynan ótedi, massaj alady, basseinge, tuz, elektr protsedýralaryna bara alady.
Shipajai basshysynyń aitýynsha, "Generaldar keńesi" qoǵamdyq qory janynan quqyq qorǵaý organdary men kúsh qurylymdarynyń zardap shekken qyzmetkerlerine kómek kórsetýge qarajat aýdarý úshin shot ashyldy. Dál osy qarajat qazir sanatoriide emdelip jatqan politseilerdi ońaltýǵa jumsalady.
Eske salaiyq, 2 qańtarda Mańǵystaý oblysynyń turǵyndary suiytylǵan munai gazy qymbattaýyna bailanysty mitingige shyqqan bolatyn. 3 qańtarda birden birneshe oblysta mitingiler bastaldy. Narazylyq sharasyna munai óndirýshi kásiporyndardyń jumysshylary da qosyldy. 4 qańtarda ózge de qalalarda jappai tártipsizdik bastaldy.
Keiinirek Prezident Qasym-Jomart Toqaev Almaty qalasy men Mańǵystaý oblysynda tótenshe jaǵdai engizý týraly Jarlyqqa qol qoidy. Almaty qalasy men Mańǵystaý oblysynda 2022 jylǵy 5 qańtar saǵat 01:30-dan 2022 jylǵy 19 qańtardyń saǵat 00:00 kezeńi aralyǵynda tótenshe jaǵdai engizildi.
5 qańtarda Úkimet otstavkaǵa ketti, Qazaqstanda áleýmettik mańyzy bar azyq-túlik taýarlary, suiytylǵan gaz, benzin jáne dizel otynynyń baǵasyn memlekettik retteý engizildi. Alaida tolqý kúsheie tústi. Almaty qalasy qatty zardap shekti. Búlikshiler ákimdik ǵimaratyn órtep jiberdi, Prezident rezidentsiiasyn basyp aldy, dúkenderdi, saýda ortalyqtaryn, bank keńseleri men bankomattardy qiratyp, tonady.
Sondai-aq, Qasym-Jomart Toqaev elimizde qalyptasqan kúrdeli qoǵamdyq-saiasi jáne áleýmettik-ekonomikalyq jaǵdaiǵa toqtalyp, suiytylǵan gaz baǵasynyń ósýine bailanysty halyqtyń narazylyǵyn týdyrǵany úshin Úkimet, sonyń ishinde, Energetika ministrligi, "QazMunaiGaz" ben "Qazaqgaz" kásiporyndary kináli ekenin aitty.
6 qańtarda Kárim Másimov Ulttyq qaýipsizdik komitetiniń tóraǵasy qyzmetinen bosatyldy. UQK-niń jańa basshysy bolyp Ermek Saǵymbaev taǵaiyndaldy. Dál osy kúni UQK Qylmystyq kodekstiń 175-baby 1-bóligi boiynsha "Memleketke opasyzdyq jasaý" baby boiynsha sotaldy tergeý amaldary bastaldy. Qylmys jasady degen kúdikpen UQK-niń burynǵy tóraǵasy Kárim Másimov pen basqa da tulǵalar ustalyp, ýaqytsha ustaý izoliatoryna qamaldy. Al 10 qańtar Jalpyulttyq aza tutý kúni bolyp jariialandy.
Qazaqstandaǵy tártipsizdikterden bizneske keltirilgen shyǵyn 12 qańtarda 100 milliard teńgeden asty. Qaza bolǵandar men zardap shekkender sany anyqtalyp jatyr, áli belgisiz.
11 qańtarda Prezident Qasym-Jomart Toqaev jańa Úkimet múshelerin taǵaiyndady.
