Zańsyz migranttardy alyp kele jatqan qaiyq Liviia jaǵalaýynda aýdarylyp, 130-ǵa jýyq adam qaza tapty, dep habarlaidy SOS Mediterranee úkimettik emes uiymy.
Oǵan tiesili Ocean Viking kemesi osy aimaqta apatqa ushyraǵan úsh qaiyq týraly aqparat alǵannan keiin Liviia jaǵalaýyna halyqaralyq sýlarǵa jiberilgeni aitylady.
«Biz búgin oqiǵa ornyna kelgennen beri birde-bir tiri adamdy tappadyq, degenmen apat bolǵan jerde ondaǵan adamnyń máiitin kórdik» – delingen uiymnyń habarlamasynda.
Qutqarý operatsiiasy aýa raiynyń qolaisyzdyǵy saldarynan qiyndap ketti. Izdeý aimaǵyndaǵy tolqyndar 6 m-ge jetti. Kóp uzamai EO shekara baqylaý agenttiginiń «Fronteks» ushaǵy oqiǵa ornyna jaqyn jerde rezeńke qaiyqtyń fragmentterin tapty.
