زاڭسىز ميگرانتتاردى الىپ كەلە جاتقان قايىق ليۆييا جاعالاۋىندا اۋدارىلىپ, 130-عا جۋىق ادام قازا تاپتى, دەپ حابارلايدى SOS Mediterranee ٷكٸمەتتٸك ەمەس ۇيىمى.
وعان تيەسٸلٸ Ocean Viking كەمەسٸ وسى ايماقتا اپاتقا ۇشىراعان ٷش قايىق تۋرالى اقپارات العاننان كەيٸن ليۆييا جاعالاۋىنا حالىقارالىق سۋلارعا جٸبەرٸلگەنٸ ايتىلادى.
«بٸز بٷگٸن وقيعا ورنىنا كەلگەننەن بەرٸ بٸردە-بٸر تٸرٸ ادامدى تاپپادىق, دەگەنمەن اپات بولعان جەردە ونداعان ادامنىڭ مەيٸتٸن كٶردٸك» – دەلٸنگەن ۇيىمنىڭ حابارلاماسىندا.
قۇتقارۋ وپەراتسيياسى اۋا رايىنىڭ قولايسىزدىعى سالدارىنان قيىنداپ كەتتٸ. ٸزدەۋ ايماعىنداعى تولقىندار 6 م-گە جەتتٸ. كٶپ ۇزاماي ەو شەكارا باقىلاۋ اگەنتتٸگٸنٸڭ «فرونتەكس» ۇشاعى وقيعا ورنىنا جاقىن جەردە رەزەڭكە قايىقتىڭ فراگمەنتتەرٸن تاپتى.
