QR Ulttyq ekonomika ministrligi aýdandyq, qalalyq jáne aýyldyq bilik deńgeileriniń derbestigin keńeitýge qatysty qujattyń qabyldanýyna orai jańa qadamdarǵa túsinik berdi, dep habarlaidy "Ult aqparat".
Aita keteiik, biyl 30 maýsymda «Qazaqstan Respýblikasynyń keibir zańnamalyq aktilerine aýdandyq, qalalyq jáne aýyldyq bilik deńgeileriniń derbestigi men jaýapkershiligin keńeitý máseleleri boiynsha ózgerister men tolyqtyrýlar engizý týraly» Zańyna qol qoiyldy.
«Zań birqatar normativtik quqyqtyq aktilerge aýdandyq mańyzy bar qalalardyń, aýyldardyń, kentter men aýyldyq okrýgterdiń kiris bazasyn keńeitý, biýdjettik rásimderdi ońailatý, ákimshilik-aýmaqtyq birlikterge qoiylatyn talaptardy jetildirý, derbestikti keńeitý jáne jergilikti ókildi ári atqarýshy organdardyń jaýapkershiligin kúsheitýge qatysty ózgerister men tolyqtyrýlar engizýdi kózdeidi», - delingen ministrlik málimetinde.
Jergilikti ózin-ózi basqarý biýdjetiniń kiris kózderin ulǵaitý úshin biýdjettiń IV deńgeiine salyqtar men tólemderdiń qosymsha tórt túri beriletin bolady. Budan basqa, biýdjettik rásimder jeńildetiledi. Atap aitqanda, aýyldyq okrýg ákimi apparaty úshin biýdjetke jiyrma paiyzdan aspaityn kólemde túzetý engiziledi. Túzetý jergilikti qoǵamdastyq jinalysynyń kelisimi boiynsha júrgiziledi.
Biýdjet kodeksine qarjy jyly ishinde aýdan men aýyldyq okrýg biýdjetteri arasyndaǵy jalpy sipattaǵy transfertter kóleminiń ózgerýine jol bermeitin naqtylaýshy norma engiziledi.
«Taǵy bir túzetý ákimshilik-aýmaqtyq birlikter sanatyn ózgertý tártibin anyqtaidy. Qala mártebesiniń ózgerýi sáikes kelmegen jaǵdaida bes jyl ishinde, aýyldar – úsh jyl ishinde júzege asyrylatyn bolady.
Zańda máslihat pen olardyń depýtattarynyń mártebesin arttyrý, atap aitqanda, máslihat sessiiasynyń tóraǵasy laýazymyn taratý jáne onyń ókilettigin máslihat hatshysyna berý kózdelgen», - dep atpalyp ótken habarlamady.
Qujat Memleket basshysynyń «Syndarly qoǵamdyq dialog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýyn iske asyrý maqsatynda ázirlendi.
Bul turǵyda qabyldanǵan sharalar óńirlerdiń derbestik jáne jaýapkershilik deńgeiin arttyrýǵa ári jergilikti mańyzy bar máselelerdi neǵurlym jedel sheshý úshin biýdjettik rásimderdi aitarlyqtai jeńildetýge múmkindik beredi.
