«Qazaqstannyń mashina jasaýshylar odaǵy» ZTB tóraǵasy Meiram Pishembaev QR Úkimetindegi baspasóz konferentsiiasy barysynda Qazaqstannyń aýyl sharýashylyǵy mashinasyn jasaý kásiporyndaryn jergiliktendirý boiynsha júrgizilip jatqan jumystar týraly aityp berdi.
M. Pishembaevtyń aitýynsha, Qazaqstanda aýyl sharýashylyǵy mashinasyn jasaýdy damytý — basymdyqqa ie memlekettik mindet. Mashina jasaýdy damytýdyń jańa Jol kartasynda da aýyl sharýashylyǵy mashinasyn jasaýǵa erekshe mán berilgen.
«Qazaqstandyq kásiporyndarda jergiliktendirýdi odan ári arttyrý úshin barlyq jaǵdailar jasalady. Bizde aýyl sharýashylyǵy daqyldaryn ósip-óndirýdiń tehnologiialyq protsesi úshin qajetti kombaindar, traktorlar, egis keshenderi jáne basqa da jabdyqtar shyǵaratyn ondaǵan zaýyttarymyz bar. Jergiliktendirý protsesi óte belsendi júrip jatyr», — dedi M. Pishembaev.
Ótken jyly aýyl sharýashylyǵy mashinasyn jasaý óndirisiniń kólemi 27 mlrd teńgeni qurady. Mashina jasaýdy damytýdyń Jol kartasy aiasynda bul kórsetkishti kem degende 60-70 mlrd teńgege deiin jetkizý josparlanýda. Eger memlekettik qoldaýdyń barlyq sharalary, sondai-aq biznes mindettemeleri tolyqtai oryndalsa, onda aldaǵy 5-6 jylda aýyl sharýashylyǵy mashinasyn jasaýda óndiris kólemin 100 mlrd teńgege deiin jetkizý josparlanýda.
«Otandyq aýyl sharýashylyǵy mashinasyn jasaýdy qoldaý qajet. Bizde agrarlyq sektorda adamdar, resýrstar jetkilikti jáne bul ónimderdi tutynýshylar da jetkilikti», — dedi M. Pishembaev.
