- Jer komissiiasy jerdi jalǵa berýge qatysty moratoriidi 5 jylǵa uzartý týraly usynysty Memleket basshysynyń qaraýyna jiberetin boldy.
«Birinshiden, bizdiń qazir kórip otyrǵanymyz, jańa aitqan argýmentter negizinde, bul tek qana komissiia músheleriniń pikiri ǵana emes, eń bastysy - kópshiliktiń de oi-pikiri osy jerge toǵysty. Sonyń negizinde aitylǵan usynysty biz baiqaimyz, qoldap otyrmyz», - deidi komissiia tóraǵasy, QR Premer-Ministriniń orynbasary - Aýyl sharýashylyq ministri Asqar Myrzaxmetov komissiia jumysyn qorytyndylaý kezinde.
«Sonymen, osynda aitylǵandarǵa daýys bereiik. Birinshiden, búgingi kúnge deiin komissiianyń atqarǵan jumysynyń nátijesinde qalyptasyp otyrǵan usynystardyń barlyǵyn resmi túrde Aýyl sharýashylyq ministrligine tapsyryp, Aýyl sharýashylyǵy ministrliginiń zań talaptaryna sáikes, Parlamentke engizý jóninde sheshimdi qabyldaýdy suraimyn», - dedi ol.
- Ekinshiden, moratorii jariialanǵan normalar, iaǵni qazaqstandyqtarǵa aýyl sharýashylyq salasyndaǵy jerdi satý, olardy toqtatý, ekinshiden, sheteldikterge jalǵa berý boiynsha moratoriidiń merzimin 2021 jyldyń 31 jeltoqsanyna deiin sozý jóninde usynysty Elbasyna qaraýyna engizý jónindegi sheshimge daýys bereiik. Al eger sheshim qabyldaǵan jaǵdaida, onda komissiia jumysyn toqtatsyn degen sheshimdi de ortaǵa salaiyq,- dedi ministr.
Osydan keiin komissiia ózara daýysqa salyp, bul sheshimderdi qabyldady.
«Daýystaryńyzǵa raxmet! Endi atalǵan sheshim tártipke sáikes, Elbasynyń qaraýyna engiziletin bolady», - dedi A.Myrzaxmetov.
Ult portaly
.jpeg)