Jer paidalanýshylardyń kim ekenin jerdiń naqty iesi — halyq bilýi shart. Bul týraly Qazaqstan fermerler qaýymdastyǵynyń tóraǵasy Jigýli Dairabaev aitty, dep habarlaidy "Ult aqparat".
«Jer sheteldikterge berilmesin dep dabyl qaǵyp júrgende, qazirgi jer paidalanýshylardyń Qazaqstan rezidenttiginen shyǵyp, shetel azamattyǵyn alyp jatqanyn baiqamai qaldyq. Ókinishke qarai, faktiler bar, jaqyn arada tiisti materialdardy komissiia nazaryna usynamyz. Shetel azamattyǵyn alyp jatqandar qolda bar myńdaǵan gektar jer telimderin bankke kepilge qoiyp, qyrýar aqsha alyp, keiin qaitara almai, shetelge qashyp ketpeýine kim kepil? Zań keri kúshine ie bola almaidy degen kertartpalyqty qoiyp, tiisti mehanizmderdi qarastyrǵan abzal», - dedi J. Dairabaev Jer reformasy jónindegi komissiianyń birinshi otyrysynda.
Sonymen birge, qaýymdastyq tóraǵasy jerdi jalǵa alǵandardyń ashyq tizimi bolýy keregin aitty.
«Tipti, jer paidalanýshy zańdy tulǵalardyń quryltaishylarynyń kim ekenin, qai jerdiń azamaty ekenin jerdiń naqty iesi – halyq bilýi shart. Prezidentimiz halyqqa jasaǵan sońǵy Joldaýynda qoǵamdyq baqylaý rólin kúsheitý kerek dep qadap aitty. Sondyqtan «Eldiń kózi - elý» degen printsipti jer máselesine de paidalanýymyz kerek», - deidi spiker.
