جەر پايدالانۋشىلاردىڭ كٸم ەكەنٸن جەردٸڭ ناقتى يەسٸ — حالىق بٸلۋٸ شارت. بۇل تۋرالى قازاقستان فەرمەرلەر قاۋىمداستىعىنىڭ تٶراعاسى جيگۋلي دايراباەۆ ايتتى, دەپ حابارلايدى "ۇلت اقپارات".
«جەر شەتەلدٸكتەرگە بەرٸلمەسٸن دەپ دابىل قاعىپ جٷرگەندە, قازٸرگٸ جەر پايدالانۋشىلاردىڭ قازاقستان رەزيدەنتتٸگٸنەن شىعىپ, شەتەل ازاماتتىعىن الىپ جاتقانىن بايقاماي قالدىق. ٶكٸنٸشكە قاراي, فاكتٸلەر بار, جاقىن ارادا تيٸستٸ ماتەريالداردى كوميسسييا نازارىنا ۇسىنامىز. شەتەل ازاماتتىعىن الىپ جاتقاندار قولدا بار مىڭداعان گەكتار جەر تەلٸمدەرٸن بانككە كەپٸلگە قويىپ, قىرۋار اقشا الىپ, كەيٸن قايتارا الماي, شەتەلگە قاشىپ كەتپەۋٸنە كٸم كەپٸل? زاڭ كەرٸ كٷشٸنە يە بولا المايدى دەگەن كەرتارتپالىقتى قويىپ, تيٸستٸ مەحانيزمدەردٸ قاراستىرعان ابزال», - دەدٸ ج. دايراباەۆ جەر رەفورماسى جٶنٸندەگٸ كوميسسييانىڭ بٸرٸنشٸ وتىرىسىندا.
سونىمەن بٸرگە, قاۋىمداستىق تٶراعاسى جەردٸ جالعا العانداردىڭ اشىق تٸزٸمٸ بولۋى كەرەگٸن ايتتى.
«تٸپتٸ, جەر پايدالانۋشى زاڭدى تۇلعالاردىڭ قۇرىلتايشىلارىنىڭ كٸم ەكەنٸن, قاي جەردٸڭ ازاماتى ەكەنٸن جەردٸڭ ناقتى يەسٸ – حالىق بٸلۋٸ شارت. پرەزيدەنتٸمٸز حالىققا جاساعان سوڭعى جولداۋىندا قوعامدىق باقىلاۋ رٶلٸن كٷشەيتۋ كەرەك دەپ قاداپ ايتتى. سوندىقتان «ەلدٸڭ كٶزٸ - ەلۋ» دەگەن پرينتسيپتٸ جەر مەسەلەسٸنە دە پايدالانۋىمىز كەرەك», - دەيدٸ سپيكەر.
