Jerdi paidalanbai jatqan latifýdisterge naqty talap qoiý sharalary iske asyrylady. Bul týraly «Aýyl» partiiasynyń tóraǵasy, Senat depýtaty Áli Bektaev málim etti, dep habarlaidy QazAqparat tilshisi.
«Ulttyq qoǵamdyq senim keńesiniń otyrysynda Prezident Qasym-Jomart Kemeluly aýyl sharýashylyǵy jerlerin paidalanýǵa qatysty naqty biraz máselelerdi kóterdi. Memleket basshysy halyqqa arnaǵan Joldaýynda da, odan keiin Aqmola oblysynda ótken úlken májiliste de jerdi sapaly túrde igerý taqyrybyna erekshe ekpin qoidy. Ulttyq keńes otyrysynda jańa tehnologiialardyń múmkindigin keńinen paidalanýǵa qatysty tapsyrma berilip, ǵaryshtan monitoringileý júiesi eskerilip otyr. Búginde tehnologiialar jetilgen, ǵaryshtyq baqylaý arqyly aýyl sharýashylyǵy jerleriniń igerilýi jaǵdaiyn anyq kórýge bolady. Sondyqtan jerdi paidalanbai jatqan latifýdisterden, sharýa qojalyqtarynynan tiisti memorgandar tarapynan dáleldi túrde talap etýge múmkindik týdyrmaq», - dedi senator.
Sonymen qatar, M. Beketaev Ulttyq keńes otyrysynda igerilmei jatqan jerlerdi májbúrlep qaitaryp alýdyń ýaqytyn eki jyldan bir jylǵa deiin qysqartý qadamy kóterilgenin eske saldy.
«Qazir endi bir jyl merzim berý qarastyrylyp otyr. Bir jyl merzimde jer igerilmeitin bolsa, ony qaitarý múmkindigi jasalmaq. Sebebi aýyl sharýashylyǵy jerin igermeý degen shynynda da óte úlken qatelik, óte úlken kemshilik bolyp eseptelýi kerek», - dedi Áli Bektaev.
Munymen qosa, senator paidalanylmai jatqan egis alqaptary úshin saltyq salmaqty kóbeitý túrindegi jaýapkershilikti arttyrý óte mańyzdy ekenin atap ótti.
Budan buryn habarlanǵandai, Ulttyq qoǵamdyq senim keńes otyrysynda Prezident Qasym-Jomart Toqaev igerilmei jatqan jer ýchaskelerine salynatyn bazalyq salyqty 10-nan 20 esege deiin arttyrýdy usyndy.
Sonymen qatar Memleket basshysy aýyl sharýashylyǵy jerlerin ǵaryshtan baqylaý boiynsha tapsyrmalar berdi.
