جەردٸ پايدالانباي جاتقان لاتيفۋديستەرگە ناقتى تالاپ قويۋ شارالارى ٸسكە اسىرىلادى. بۇل تۋرالى «اۋىل» پارتيياسىنىڭ تٶراعاسى, سەنات دەپۋتاتى ەلي بەكتاەۆ مەلٸم ەتتٸ, دەپ حابارلايدى قازاقپارات تٸلشٸسٸ.
«ۇلتتىق قوعامدىق سەنٸم كەڭەسٸنٸڭ وتىرىسىندا پرەزيدەنت قاسىم-جومارت كەمەلۇلى اۋىل شارۋاشىلىعى جەرلەرٸن پايدالانۋعا قاتىستى ناقتى بٸراز مەسەلەلەردٸ كٶتەردٸ. مەملەكەت باسشىسى حالىققا ارناعان جولداۋىندا دا, ودان كەيٸن اقمولا وبلىسىندا ٶتكەن ٷلكەن مەجٸلٸستە دە جەردٸ ساپالى تٷردە يگەرۋ تاقىرىبىنا ەرەكشە ەكپٸن قويدى. ۇلتتىق كەڭەس وتىرىسىندا جاڭا تەحنولوگييالاردىڭ مٷمكٸندٸگٸن كەڭٸنەن پايدالانۋعا قاتىستى تاپسىرما بەرٸلٸپ, عارىشتان مونيتورينگٸلەۋ جٷيەسٸ ەسكەرٸلٸپ وتىر. بٷگٸندە تەحنولوگييالار جەتٸلگەن, عارىشتىق باقىلاۋ ارقىلى اۋىل شارۋاشىلىعى جەرلەرٸنٸڭ يگەرٸلۋٸ جاعدايىن انىق كٶرۋگە بولادى. سوندىقتان جەردٸ پايدالانباي جاتقان لاتيفۋديستەردەن, شارۋا قوجالىقتارىنىنان تيٸستٸ مەمورگاندار تاراپىنان دەلەلدٸ تٷردە تالاپ ەتۋگە مٷمكٸندٸك تۋدىرماق», - دەدٸ سەناتور.
سونىمەن قاتار, م. بەكەتاەۆ ۇلتتىق كەڭەس وتىرىسىندا يگەرٸلمەي جاتقان جەرلەردٸ مەجبٷرلەپ قايتارىپ الۋدىڭ ۋاقىتىن ەكٸ جىلدان بٸر جىلعا دەيٸن قىسقارتۋ قادامى كٶتەرٸلگەنٸن ەسكە سالدى.
«قازٸر ەندٸ بٸر جىل مەرزٸم بەرۋ قاراستىرىلىپ وتىر. بٸر جىل مەرزٸمدە جەر يگەرٸلمەيتٸن بولسا, ونى قايتارۋ مٷمكٸندٸگٸ جاسالماق. سەبەبٸ اۋىل شارۋاشىلىعى جەرٸن يگەرمەۋ دەگەن شىنىندا دا ٶتە ٷلكەن قاتەلٸك, ٶتە ٷلكەن كەمشٸلٸك بولىپ ەسەپتەلۋٸ كەرەك», - دەدٸ ەلي بەكتاەۆ.
مۇنىمەن قوسا, سەناتور پايدالانىلماي جاتقان ەگٸس القاپتارى ٷشٸن سالتىق سالماقتى كٶبەيتۋ تٷرٸندەگٸ جاۋاپكەرشٸلٸكتٸ ارتتىرۋ ٶتە ماڭىزدى ەكەنٸن اتاپ ٶتتٸ.
بۇدان بۇرىن حابارلانعانداي, ۇلتتىق قوعامدىق سەنٸم كەڭەس وتىرىسىندا پرەزيدەنت قاسىم-جومارت توقاەۆ يگەرٸلمەي جاتقان جەر ۋچاسكەلەرٸنە سالىناتىن بازالىق سالىقتى 10-نان 20 ەسەگە دەيٸن ارتتىرۋدى ۇسىندى.
سونىمەن قاتار مەملەكەت باسشىسى اۋىل شارۋاشىلىعى جەرلەرٸن عارىشتان باقىلاۋ بويىنشا تاپسىرمالار بەردٸ.
